આ વ્યક્તિએ દાવો કર્યો હતો કે તે એક્ટ્રેસ કંગનાનો ચાહક છે. મુંબઇ પોલીસની એક ટીમે કોલકત્તા પોલીસની મદદથી પલાશ ઘોષની સંજય રાઉતને ધમકી આપવાના આરોપમાં શુક્રવારે ટોલીગંજ સ્થિત ઘરમાંથી ધરપકડ કરી હતી.
પલાશ ઘોષે સોશિયલ નેટવર્કિગ સાઇટ પર શિવસેના નેતાને ગંભીર પરિણામ ભોગવવાની ચેતવણી આપી હતી. મામલામાં મુંબઇ પોલીસે કોલક્તા પોલીસનો સંપર્ક કર્યો હતો પલાશની ધરપકડ કરી હતી. પલાશને શહેરની કોર્ટમાં રજૂ કરવામાં આવશે જ્યાં મુંબઇ પોલીસ તેને મુંબઇ લઇ જવાની ટ્રાજિટ રિમાન્ડ આપવા રજૂઆત કરશે.
નોંધનીય છે કે શિવસેના નેતા રાઉત અને કંગના રનૌત વચ્ચે છેલ્લા કેટલાય દિવસોથી શાબ્દિક યુદ્ધ ચાલી રહ્યું છે. આ અગાઉ મહારાષ્ટ્રના મુખ્યમંત્રી ઉદ્ધવ ઠાકરે, એનસીપી ચીફ શરદ પવાર અને મહારાષ્ટ્રના ગૃહમંત્રી અનિલ દેશમુખને ધમકી મળી ચૂકી છે.