મહારાષ્ટ્રના મુખ્યમંત્રી ઉદ્ધવ ઠાકરેએ ખેંચી શાનદાર તસવીર, સોશિયલ મીડિયા પર થઈ રહી છે વાયરલ
abpasmita.in | 30 Dec 2019 05:37 PM (IST)
મહારાષ્ટ્રના મુખ્યમંત્રી ઉદ્ધવ ઠાકરેને ફોટોગ્રાફીનો ઘણો શોખ છે. તેમની ગણના વાઇલ્ડ લાઇફ ફોટોગ્રાફર તરીકે થાય છે. તેઓ ખુદ કહી ચુક્યા છે કે, ફોટોગ્રાફી તેમના માટે ઓક્સિજનનું કામ કરે છે, જેને તેઓ કોઈપણ પરિસ્થિતિમાં છોડી શકે નહીં.
મુંબઈઃ મહારાષ્ટ્રની રાજનીતિમાં સત્તાનો નવો ઈતિહાસ લખનારા મુખ્યમંત્રી અને શિવસેના પ્રમુખ ઉદ્ધવ ઠાકરે આશરે બે મહિનાથી મીડિયા અને સોશિયલ મીડિયાનો સૌથી મોટો ચહેરો બની રહ્યા છે. ઉદ્ધવ ઠાકરેએ તેમના ફોનથી ખેંચેલી એક તસવીર સોશિયલ મીડિયા પર શેર કરી છે. જે ઈન્ટરનેટ પર વાયરલ થઈ રહી છે. ઉદ્ધવ ઠાકરેએ તેમના ઈન્સ્ટાગ્રામ એકાઉન્ટ પર બે તસવીરો શેર કરી છે. જેમાં એક તસવીરમાં ખીલેલા ફૂલ નજરે પડી રહ્યા છે, જ્યારે બીજી તસવીરમાં ઉગતો સૂર્ય જોવા મળી રહ્યો છે. તસવીરના કેપ્શનમાં લખ્યું છે, “આઈફોન શોટ.”