Wisden: દાયકાની T-20 ટીમમાં કોહલી સહિત આ ગુજરાતી ક્રિકેટરને મળ્યું સ્થાન, જાણો વિગત

વિઝડને વિરાટ અંગે કહ્યું, કોહલીનો ઘરેલુ ટી-20 ટુર્નામેન્ટમાં રેકોર્ડ ખરાબ હોઈ શકે છે પરંતુ આંતરરાષ્ટ્રીય સ્તરે સરેરાશ 53ની છે. જે આ દાયકામાં સર્વશ્રેષ્ઠ છે.

નવી દિલ્હીઃ ભારતીય ક્રિકેટ ટીમના કેપ્ટન વિરાટ કોહલી અને ફાસ્ટ બોલર જસપ્રીત બુમરાહને વિઝડન દ્વારા પસંદ કરવામાં આવેલી દાયકાની T-20 ટીમમાં સ્થાન મળ્યું છે. ટીમના કેપ્ટન ઓસ્ટ્રેલિયાના એરોન ફિંચની પસંદગી થઈ છે. હિટમેન રોહિત શર્મા અને મહેન્દ્ર સિંહ ધોનીને સ્થાન મળતાં ક્રિકેટ પ્રેમીઓને આશ્ચર્ય થયું છે.

વિઝડને વિરાટ અંગે કહ્યું, કોહલીનો ઘરેલુ ટી-20 ટુર્નામેન્ટમાં રેકોર્ડ ખરાબ હોઈ શકે છે પરંતુ આંતરરાષ્ટ્રીય સ્તરે સરેરાશ 53ની છે. જે આ દાયકામાં સર્વશ્રેષ્ઠ છે. તે સ્ટ્રાઇક રેટ સાથે થોડો બાંધછોડ કરે છે પરંતુ તેમ છતાં સારો સ્કોર કરવામાં સફળ રહે છે.

કોહલીને વિઝડને તેની વન ડે અને ટેસ્ટ ટીમમાં પણ સ્થાન આપ્યું હતું. આ ઉપરાંત દાયકાના પાંચ સર્વશ્રેષ્ટ ક્રિકેટરોમાં પણ તેની પસંદગી કરી હતી. કોહલી ઉપરાંત સ્ટીવ સ્મિથ, ડેલ સ્ટેન, એબી ડિવિલિયર્સ અને એલિસે પેરી સામેલ છે.

વિઝડનની દાયકાની ટી-20 ટીમઃ એરોન ફિંચ (કેપ્ટન), કોલિન મુનરો, વિરાટ કોહલી, શેન વોટસન, ગ્લેન મેક્સવેલ, જોસ બટલક, મોહમ્મદ નબી, ડેવિડ વિલે, રાશિદ ખાન, જસપ્રીત બુમરાહ, લસિથ મલિંગા