ફડણવીસના રાજીનામા બાદ કૉંગ્રેસે ભાજપ પર પ્રહાર કર્યા છે. કૉંગ્રેસના મુખ્ય પ્રવક્તા રણદીપ સુરજેવાલાએ કહ્યું કે, હવે સ્પષ્ટ છે કે, ભાજપમાં ચાણક્યનીતિનું મહત્વ પ્રજાતંત્રનું અપહરણ છે. શ્રી દેવેન્દ્ર ફડણવીસ તથા અજિત પવારે મહારાષ્ટ્રની જનતા પાસે માફી માંગવી જોઈએ. તેમની સરકાર જૂઠ પર આધારિત હતી જે પડી ગઈ.
દેવેન્દ્ર ફડણવીસે 80 કલાક બાદ રાજ્યપાલ ભગત સિંહ કોશ્યારી સાથે મુલાકાત કરીને રાજીનામું આપી દીધું છે. જેને રાજ્યપાલે સ્વીકાર પણ કરી લીધો છે. ફડણવીસના રાજીનામા બાદ કૉંગ્રેસ નેતા પૃથ્વીરાજ ચૌહાણે કહ્યું, “હવે અમે માંગ કરીએ છે કે ગવર્નર તત્કાલ અમને શપથ માટે આમંત્રણ આપે. ”
— Congress (@INCIndia) November 26, 2019
કૉંગ્રેસના વરિષ્ઠ નેતા અહમદ પટેલે ટ્વીટ કર્યું કે, ‘તેઓએ સત્તા મેળવવા માટે સંવિધાન અને દેશની મોટી સંસ્થાઓને જે નુકસાન પહોંચાડ્યું છે. તેને ઠીક થતાં દાયકાઓ લાગશે.