નવી દિલ્હી: વડાપ્રધાન નરેન્દ્ર મોદીએ પોતાના મન કી બાતના 70માં કાર્યક્રમને સંબોધતા વિજ્યાદશમીના પર્વ પર દેશવાસીઓને શુભેચ્છા પાઠવી હતી. પીએમ મોદીએ કહ્યું હતું કે, દશેરો અસત્ય પર સત્યની જીતનું પર્વ છે. તેથી આ તહેવાર સંકટો પર જીતનો ઉત્સવ છે. તેમણે કહ્યું કે, દશેરાના પાવન અવસર પર આત તમામને ઠેર સારી શુભકામાનાઓ. અગાઉ દશેરાના પર્વ પર મોટા મોટા કાર્યક્રમો થતા પરંતુ કોરોના સંકટકાળમાં આપણે સંયમથી કામ લેવાનું છે. મર્યાદામાં રહેવાનું છે.

પીએમ મોદીએ ફરી ઉલ્લેખ કર્યો કે, હવે તહેવારોની સિઝન આવી રહી છે. તે દરમિયાન લોકો ખરીદી કરશે, આપ ખરીદી દરમિયાન ‘વોકલ ફૉર લોકલ’નો સંદેશ જરૂર યાદ રાખો અને સ્થાનીય અને સ્વદેશી સામનને મહત્વ આપો. બજારમાં સામાન ખરીદતી વખતે સ્થાનીક ઉત્પાદોને પ્રાથમિકતા આપો.

પીએમ મોદીએ દેશના સૈનિકોને પણ વિજયાદશમીની શુભેચ્છા આપતા કહ્યું કે, આ વખતે દિવાળી પર એક દીવો બોર્ડર પર તૈનાત સૈનિકોના નામે પ્રગટાવો. તેઓએ કહ્યું કે, આપણે આપણા જાબાંજ સૈનિકોને પણ યાદ રાખવાનું છે. જે આ તહેવારોમાં પણ દેશની સુરક્ષા કરી રહ્યાં છે. ભારત માતાની સેવા અને સુરક્ષામાં તૈનાત છે. આપણે તેઓને યાદ કરી તહેવારોની ખુશીની ઉજવણી કરવી જોઈએ. આપણે ઘરમાં આ વીર સપૂતોના નામે પણ એક દીવો પ્રજ્વલિત કરવાનો છે.