MP News: મધ્યપ્રદેશના દમોહમાં એક ખાનગી શાળા પર મોટો આરોપ લાગ્યો છે. સ્કૂલની હિન્દુ વિદ્યાર્થિનીઓના કહેવા પ્રમાણે તેમને હિજાબ પહેરવાની ફરજ પાડવામાં આવી રહી છે. આ વાત પ્રકાશમાં આવતા જ હિંદુ સંગઠનોએ પોલીસમાં ફરિયાદ નોંધાવી છે. ત્યારબાદ ઘટનાની તપાસ શરૂ કરાઇ હતી. એટલું જ નહીં, હિન્દુ સંગઠનના કાર્યકરો કલેક્ટર કચેરીએ પહોંચ્યા હતા અને ધરણા કર્યા હતા. તેમની માંગ છે કે આ શાળાનું રજીસ્ટ્રેશન રદ કરવામાં આવે.
હવે આ મામલે ભોપાલના શિક્ષણ મંત્રી ઈન્દર સિંહ પરમારે નિવેદન આપ્યું છે. તેમણે કહ્યું હતું કે શાળાનો યુનિફોર્મ તપાસનો વિષય છે. શિક્ષણ વિભાગના નિયમો મુજબ યુનિફોર્મ નક્કી કરવાનો અધિકાર ખાનગી શાળાઓને છે. જો વાલીઓ આ બાબતે વાંધો ઉઠાવશે તો કાર્યવાહી કરવામાં આવશે. તેમનું કહેવું છે કે ગૃહમંત્રી અને મુખ્યમંત્રી દ્વારા આપવામાં આવેલા નિર્દેશો અનુસાર કાર્યવાહી કરવામાં આવશે. સાથે જ તેમણે કહ્યું છે કે જો આરોપો પર એફઆઈઆર દાખલ કરવાની જરૂર હોય તો તે પણ થવી જોઈએ.
ગૃહમંત્રી નરોત્તમ મિશ્રાએ પોલીસ તપાસ માટે સૂચના આપી
નોંધનીય છે કે અધિકારીઓ દ્વારા આપવામાં આવેલી માહિતી અનુસાર, લોકોનો દાવો છે કે દમોહની એક ખાનગી શાળામાં હિંદુ વિદ્યાર્થીનીઓને યુનિફોર્મ તરીકે હિજાબ પહેરવાની ફરજ પાડવામાં આવે છે. આ મામલે રાજ્યના ગૃહમંત્રી નરોત્તમ મિશ્રાએ પ્રતિક્રિયા આપી છે. નરોત્તમ મિશ્રાનું કહેવું છે કે હજુ સુધી આ મામલે માતા-પિતા તરફથી કોઈ ફરિયાદ દાખલ કરવામાં આવી નથી. જો કે મામલો ગંભીર છે અને તેને જોતા પોલીસ અધિક્ષકને તપાસ કરવાની સૂચના આપવામાં આવી છે. સાથે જ ગૃહમંત્રીએ એમ પણ કહ્યું કે આ મામલાની તપાસ જિલ્લા શિક્ષણાધિકારી દ્વારા કરવામાં આવી ચૂકી છે.
Rajasthan News: વિધાનસભા ચૂંટણી પહેલા અશોક ગેહલોતે ખેલ્યો મોટો દાવ! એવી જાહેરાત કરી કે વિરોધીઓ જોતા જ રહી ગયા
Rajasthan News: રાજસ્થાનમાં આ વર્ષે વિધાનસભાની ચૂંટણી યોજાવાની છે. આવી સ્થિતિમાં તમામ પક્ષો સત્તા માટે જોરદાર પ્રયાસ કરી રહ્યા છે. આ દરમિયાન રાજ્યના મુખ્યમંત્રી અશોક ગેહલોતે એક મોટી જાહેરાત કરી છે. રાજસ્થાનના લોકોને રાહત આપતા સીએમ ગેહલોતે વીજળીના બિલમાં રાહત આપી છે. મુખ્યમંત્રીએ જાહેરાત કરી છે કે વીજ ગ્રાહકોને પ્રથમ 100 યુનિટ સુધી મફત વીજળી મળશે.
સીએમ ગેહલોતે કહ્યું કે મોંઘવારી રાહત શિબિરોનું નિરીક્ષણ કર્યા પછી અને લોકો સાથે વાત કર્યા પછી, એવો પ્રતિસાદ મળ્યો કે વીજળીના બિલમાં સ્લેબ મુજબની મુક્તિમાં થોડો ફેરફાર થવો જોઈએ. મે મહિનાના વીજળીના બિલમાં ફ્યુઅલ સરચાર્જને લઈને પણ જનતા પાસેથી પ્રતિસાદ મળ્યો હતો, જેના આધારે મોટો નિર્ણય લેવામાં આવ્યો છે.