એનસીપી સુપ્રીમો શરદ પવારે 10 સપ્ટેમ્બરે મહારાષ્ટ્ર વિધાનસભા ચૂંટણીમાં બેઠકોની વહેંચણીના મુદ્દા પર કોંગ્રેસના અંતરિમ અધ્યક્ષ સોનિયા ગાંધી સાથે ચર્ચા કરી હતી. આ મામલે એક વરિષ્ઠ નેતાએ કહ્યું કે, બંને નેતાઓએ રાજ્યની સત્તારૂઢ ભાજપ-શિવસેના ગઠબંધનને રોકવા માટે કોંગ્રેસ અને એનસીપીની વચ્ચે ગઠબંધનના મુદ્દે વાતચીત કરી હતી. આ ગઠબંધનમાં સ્થાનિક પાર્ટીઓને પણ સામેલ કરવામાં આવશે.
2014ની વિધાનસભા ચૂંટણીમાં કૉંગ્રેસ-એનસીપીને હરાવી ભાજપ સત્તામાં આવ્યું હતું. આ ચૂંટણીમાં ભાજપે પોતાના દમ પર 122 બેઠકો પર જીત મેળવી હતી. જ્યારે શિવસેનાને 63 બેઠક પર જીત મળી હતી. કોંગ્રેસે 42 અને એનસીપીને 41 બેઠકો પર જીત મેળવી હતી.