MPમાં આવતીકાલે નહી થાય ફ્લોર ટેસ્ટ, રાજ્યપાલને મળવા પહોંચ્યા વિપક્ષ નેતા
એબીપી અસ્મિતા વેબ ટીમ | 15 Mar 2020 10:36 PM (IST)
આ અગાઉ રાજ્યપાલ લાલજી ટંડને વિધાનસભાના અધ્યક્ષ નર્મદા પ્રસાદ પ્રજાપતિને સોમવારે બહુમત પરીક્ષણ કરવા કહ્યું હતું.
ભોપાલઃ મધ્યપ્રદેશમાં આવતીકાલે એટલે કે સોમવારે ફ્લોર ટેસ્ટ નહી થાય. રવિવારે સાંજે વિધાનસભાની દૈનિક કાર્યયાદી જાહેર કરવામાં આવી હતી. જે અનુસાર, સોમવારે સૌ પ્રથમ રાજ્યપાલનું અભિભાષણ થશે. આ યાદીમાં ફ્લોર ટેસ્ટનો કોઇ ઉલ્લેખ નથી. એટલે કે હવે સોમવારે મધ્યપ્રદેશ વિધાનસભામાં ફ્લોર ટેસ્ટ નહી થાય. કાર્યયાદી જાહેર કરતા વિધાનસભામાં વિપક્ષના નેતા ગોપાલ ભાર્ગવ અને ભાજપના વરિષ્ઠ ધારાસભ્ય નરોત્તમ મિશ્રા રાજ્યપાલને મળવા રાજભવન પહોંચ્યા હતા.