લોકડાઉનની સ્થિતિને ધ્યાનમાં રાખીને સ્થાનિક પોલીસ સ્ટેશન દ્વારા ડિલિવરી સાથે સંકળાયેલા લોકોને પાસ આપવામાં આવશે. રાજ્યમાં બપોરે 2 વાગ્યાથી લઈ સાંજે 5 વાગ્યા સુધી દારૂની હોમ ડિલિવરીની મંજૂરી આપવામાં આવી છે. આ માટે દારૂ ખરીદવા ઈચ્છતા લોકોએ નજીકની લિકર શોપમાં સવારે 11 વાગ્યાથી બપોરે 2 વાગ્યા સુધીમાં ફોન દ્વારા બુકિંગ કરાવવું પડશે.
આ પહેલા કેરળમાં લોકડાઉન દરમિયાન દારૂ ન મળતાં કેટલાક લોકોએ આત્મહત્યા કરી હતી. જે બાદ રાજ્ય સરકારે દારૂની ઓનલાઈન પરમિટ ઈસ્યુ કરવાની જાહેરાત કરી હતી. કેરલ હાઇકોર્ટે રાજ્ય સરકારના એ નિર્ણય પર રોક લગાવી દીધી હતી, જે હેઠળ સરકારે દારૂ પીનારા એ લોકોને વિશેષ પાસ આપ્યા હતા. જેમની પાસે આબકારી વિભાગ પાસેથી દારૂ ખરીદવા માટે ડોક્ટરની રિસિપ્ટ હતી. હાઇકોર્ટે ત્રણ સપ્તાહ સુધી આ રોક લગાવી છે.