એનટીઆરઓ અને રૉએ ભારતીય વાયુસેનાને બાલાકોટ સ્થિત જૈશ-એ-મોહમ્મદના કેંપમાં 280થી વધારે મોબાઇલ ફોન એક્ટિવ હોવાની જાણકારી આપી હતી. આ જાણકારી બાદ ભારતીય વાયુસેનાના મિરાજ લડાકુ વિમાને જૈશના કેંપ પર એર સ્ટ્રાઇક કરી હતી.
આ ઉપરાંત સોમવારે ભારતીય વાયુસેનાએ પાકિસ્તાનની વધુ એક નાપાક કોશિશને નિષ્ફળ કરી દીધી છે. ભારતીય સેનાએ પાકિસ્તાનના ડ્રોનને તોડી પાડ્યું છે. આ ડ્રોન રાજસ્થાનની બિકાનેર સીમા પર સવારે 11.30 કલાકની આસપાસ તોડી પાડવામાં આવ્યું હતું.
ભારતની એર સ્ટ્રાઇક બાદ ભારતીય સરહદમાં ઘુસવાનો પ્રયાસ કરનારા પાકિસ્તાનનીએ વાયુસેનાના F-16 નામના યુદ્ધ વિમાનને પણ ભારતે તોડી પાડ્યું હતું. તો એ જ દિવસે કચ્છ બોર્ડર પર પણ પાકિસ્તાનનું એક ડ્રોન વિમાન તોડી પાડવામાં આવ્યું હતું. આમ દુનિયાભરમાં ફજેતી થયા બાદ પણ પાકિસ્તાન જાણે સુધરવાનું નામ જ નથી લઈ રહ્યું.