આ વર્ષના અંતમાં મધ્યપ્રદેશ, છત્તીસગઢ, રાજસ્થાન અને મિઝોરમમાં વિધાનસભાની ચૂંટણી યોજાવાની છે. સુત્રોની જાણકારી મુજબ, લોકસભા ચૂંટણી અને વિધાનસભા ચૂંટણી વચ્ચેના સમયને જાળવવા માટે એ રાજ્યોમાં ન્યૂટ્રલ સરકાર રાખવા માટે ગવર્નર રૂલ એટલે કે રાષ્ટ્રપતિ શાસન લાગૂ કરવાનો વિકલ્પ અજમાવી શકાય છે.
લોકસભા ચૂંટણી સાથે વિધાનસભા ચૂંટણી આ ચાર રાજ્યોમાં મધ્યપ્રદેશ, રાજસ્થાન, છત્તીસગઢ અને મિઝોરમમાં થશે તો ફેબ્રુઆરી 20109થી લઈ જૂન 2019 સુધી રાષ્ટ્રપતિ શાસન લાગૂ કરી લોકસભા ચૂંટણી સાથે વિધાનસભા ચૂંટણી કરવામાં આવી શકે છે. આ વિકલ્પના લાગૂ કરવાથી વિપક્ષની ફરિયાદનુ નિવારણ પણ થઈ શકે છે.
લોકસભા ચૂંટણી સાથે ઓરિસ્સા, તેલંગણા અને આંધ્ર પ્રદેશમાં વિધાનસભાની ચૂંટણી થશે. લોકસભા ચૂંટણીના 6 મહિના બાદ હરિયાણા, ઝારખંડ, મહારાષ્ટ્રમાં વિધાનસભા ચૂંટણી થવાની છે. જે રાજ્યોમાં લોકસભા ચૂંટણી બાદ વિધાનસભાની ચૂંટણી યોજાવાની છે, ત્યા તમામ જગ્યાએ ભાજપની સરકાર છે. એવામા એ સંભવ છે કે ભાજપ વન નેશન વન ઈલેક્શ મુજબ લોકસભા ચૂંટણી સાથે વિધાનસભાની ચૂંટણી કરાવે.
આ 10 રાજ્યો સિવાય બિહાર વિધાનસભા ચૂંટણી પણ લોકસભા ચૂંટણી સાથે યોજાઈ શકે છે. બિહાર વિધાનસભાનો કાર્યકાળ 2020ના અંત સુધી છે, પરંતુ એવી ઘણા મોકા આવ્યા છે કે વન નેશન વન ઈલેક્શનના મુદ્દા પર નીતીશ કુમારે પીએમ મોદીને સમર્થન આપ્યું છે. આવામા સંભવ છે કે નીતીશ કુમાર આ મુહિમમાં ભાજપને સાથ આપે.
ભાજપ તરફથી એક દેશ એક ચૂંટણીના પક્ષમાં 8 પેઈઝનું સોંગધનામુ પણ કાનૂન આયોગને આપવામાં આવ્યું છે. આગમી થોડા મહિનાઓમાં આ દિશામાં ચૂંટણી પંચ, કેંદ્ર સરકાર અને 11 રાજ્ય એક સાથે આગળ વધશે તો એક દેશ એક ચૂંટણીની દિશામાં આ એક મહત્વનું પગલું હોઈ શકે છે.