નવી દિલ્હીઃવડાપ્રધાન નરેન્દ્ર મોદીએ દેશમાં ચાલી રહેલા રસીકરણ કાર્યક્રમ પર શનિવારે સમીક્ષા બેઠક કરી હતી. આ બેઠકમાં કોરોના ટાસ્ક ફોર્સ અને વડાપ્રધાન ઓફિસના અધિકારી સામેલ થયા હતા. વડાપ્રધાન મોદીએ અધિકારીઓને કહ્યું કે રસીકરણની ઉપલબ્ધતા સુનિશ્વિત કરવામાં આવે. સાથે જ વડાપ્રધાન મોદીએ ડિસેમ્બર સુધી આખા દેશમાં રસીકરણ કરવાનું લક્ષ્ય આપ્યું હતું.
ભારતમાં 31 કરોડ લોકોને કોવિડની રસી આપી દેવામાં આવી છે. કેન્દ્રિય સ્વાસ્થ્ય મંત્રાલયે શુક્રવારે આ જાણકારી આપી હતી. રિપોર્ટ અનુસાર રસીકરણ અભિયાનનો નવો તબક્કો 21 જૂનથી શરૂ થયો હતો અને શુક્રવારે 60 લાખથી વધુ ડોઝ આપવામાં આવ્યો છે.
મંત્રાલયે કહ્યું કે, શુક્રવારે 18-44 વર્ષના વર્ગમાં 35.9 લાખથી વધુ લોકોને પ્રથમ ડોઝ અને 77,664 લોકોને બીજો ડોઝ આપવામાં આવ્યો છે. રસીકરણ અભિયાનના ત્રીજા તબક્કાની શરૂઆતથી અત્યાર સુધીમાં દેશના આ ઉંમરના વર્ગમાં 7.87 કરોડ લોકોને કોરોનાની રસીનો પ્રથમ ડોઝ અને 17.09 લાખ લોકોને બીજો ડોઝ આપવામાં આવી ચૂક્યો છે.
કેન્દ્રિય સ્વાસ્થ્ય મંત્રાલયે શનિવારે કહ્યું કે, રાજ્યો અને કેન્દ્રશાસિત પ્રદેશો પાસે કોવિડ-19 રસીના 1.45 કરોડથી વધુ ડોઝ ઉપલબ્ધ છે અને આગામી ત્રણ દિવસોમાં 19,10,650 ડોઝ પહોંચવાની છે.
કેન્દ્ર સરકારે મફતમાં અને સીધી ખરીદના માધ્યમથી રાજ્યો અને કેન્દ્ર શાસિત પ્રદેશોને અત્યાર સુધીમાં 31.17 કરોડથી વધુ ડોઝ મળ્યા છે. જેમાંથી બરબાદ થયેલા ડોઝ સહિત કુલ 29,71,80,733 ડોઝની સપ્લાય થઇ છે. સ્વાસ્થ્ય મંત્રાલયે કહ્યું કે, રાજ્યો અને કેન્દ્રશાસિત પ્રદેશો પાસે કોરોનાની 1.45 કરોડથી વધુ ડોઝ બાકી છે. સ્વાસ્થ્ય મંત્રાલયે કહ્યું હતું કે, તે સિવાય 19,10,650 ડોઝ પહોંચવાની છે જે ત્રણ દિવસની અંદર રાજ્યો અને કેન્દ્રશાસિત પ્રદેશોને મળી જશે. તમામ ઉંમરના લોકો માટે કોરોનાના રસીકરણ માટે નવા તબક્કાની શરૂઆત 21 જૂનથી થઇ છે.