જામયાંગ શેરિંગના ભાષણ દરમિયાન ગૃહમંત્રી અમિત શાહ, રક્ષામંત્રી રાજનાથ સિંહ સહિત સમગ્ર સદન તેમના દરેક વાક્ય પર તાળીયો વગાડતા જોવા મળ્યા હતા. જામયાંગ શેરિંગે કહ્યું કે, “આજે ભારતનાં ઇતિહાસમાં એ દિવસ છે જ્યારે જે ભૂલ જવાહર લાલ નેહરૂએ કરી હતી, તેનો સુધારો થઈ રહ્યો છે. 70 વર્ષ સુધી કૉંગ્રેસ-પીડીપી-નેશનલ કૉન્ફરન્સે લદ્દાખને અપનાવ્યું નહીં અને આજે ત્યાંની વાતો કરી રહ્યા છે. આ લોકો લદ્દાખને ઓળખતા પણ નથી અને પુસ્તકો વાંચીને બોલી રહ્યા છે. કલમ 370નાં કારણે અમારો વિકાસ ના થયો અને આના માટે કૉંગ્રેસ પાર્ટી જવાબદાર છે.
જામયાંગ શેરિંગે પોતાના ભાષણ દરમિયાન પૂર્વ યૂપીએ સરકાર પર નિશાન સાધ્યું અને કહ્યું કે, તમારી સરકાર લદ્દાખનાં નામ પર પૈસા લઇ જતી હતી. તમે લોકો 1 હજાર નોકરીમાંથી 10 નોકરી માટે પણ લદ્દાખનાં લોકોને પસંદ નહોતા કરતા. લદ્દાખમાં એકપણ એજ્યુકેશનલ ઇન્સ્ટીટ્યૂટ નથી. લદાખના સાંસદનુ આ ભાષણ હાલ સોશિયલ મીડિયા પર વાયરલ થયું છે.