PM Modi Brother Admitted: વડાપ્રધાન મોદીના નાના ભાઈ પ્રહલાદ મોદીને ચેન્નાઈની એપોલો હોસ્પિટલમાં દાખલ કરવામાં આવ્યા છે. પ્રાથમિક માહિતી મુજબ પ્રહલાદને કિડની સંબંધિત સમસ્યાને કારણે હોસ્પિટલમાં દાખલ કરવામાં આવ્યા છે. વડાપ્રધાન નરેન્દ્ર મોદીના 5 ભાઈ-બહેન છે જેમાં પ્રહલાદ ચોથા સ્થાને આવે છે. પ્રહલાદ અમદાવાદમાં કરિયાણાની દુકાન ચલાવે છે અને શહેરમાં ટાયરનો શોરૂમ પણ ધરાવે છે.
પીએમ મોદીને એક બહેન અને 4 ભાઈ છે. સોમા મોદી, અમૃત મોદી, પંકજ મોદી, પ્રહલાદ મોદી અને બહેન વાસંતી મોદી. સોમા મોદી આરોગ્ય વિભાગમાંથી નિવૃત્ત થયેલા પીએમના મોટા ભાઈ છે. હાલ સોમા મોદી અમદાવાદમાં વૃદ્ધાશ્રમ ચલાવે છે. પીએમ મોદીના બીજા મોટા ભાઈનું નામ અમૃત મોદી છે. તેઓ એક ખાનગી કંપનીમાં મશીન ઓપરેટર તરીકે નોકરી કરતા હતા, જે હવે નિવૃત્તિ બાદ અમદાવાદમાં જીવન વિતાવી રહ્યા છે.
નરેન્દ્ર મોદીના બીજા ભાઈનું નામ પ્રહલાદ મોદી છે. તેઓ પીએમ મોદી કરતા 2 વર્ષ નાના છે. મીડિયા રિપોર્ટ્સ અનુસાર, અમદાવાદમાં તેની કરિયાણાની દુકાન છે અને તેની પાસે ટાયરનો શોરૂમ પણ છે. એક ઈન્ટરવ્યુમાં તેણે કહ્યું કે તે અને પીએમ મોદી બહુ ઓછા મળતા હતા.
નરેન્દ્ર મોદીના સૌથી નાના ભાઈ પંકજભાઈ મોદી ગાંધીનગરમાં રહે છે. તેમની પત્નીનું નામ સીતાબેન છે. તેઓ માહિતી ખાતામાંથી નિવૃત્ત થયા છે. પંકજ મોદી તેની માતા હીરાબેન સાથે રહતા હતા. પીએમ મોદી તેમની માતાને મળવા આવતા હતા.
પીએમ મોદીની એક જ બહેન છે - વસંતીબેન તે ગૃહિણી છે. તેમના પતિનું નામ હસમુખ ભાઈ છે. તે LIC એટલે કે લાઈફ ઈન્સ્યોરન્સ કોર્પોરેશન ઓફ ઈન્ડિયામાં કામ કરતા હતા.