નવી દિલ્હીઃ લોકસભામાં વડાપ્રધાન નરેન્દ્ર મોદીએ રાષ્ટ્રપતિના અભિભાષણ પર આભાર પ્રસ્તાવ પર ચર્ચાનો જવાબ આપ્યો હતો પીએમ મોદીએ સંબોધનની શરૂઆતમાં રાષ્ટ્રપતિને અભિનંદન આપ્યા અને કહ્યું કે તેમના સ્વપ્નદ્રષ્ટા ભાષણમાં અમને અને કરોડો દેશવાસીઓને માર્ગદર્શન આપ્યું છે. લોકસભામાં બોલતા પીએમ મોદીએ કહ્યું કે EDએ તમામ વિપક્ષોને એક કરી દીધા છે. વિપક્ષે એન્ફોર્સમેન્ટ ડિરેક્ટોરેટનો આભાર માનવો જોઇએ. વિપક્ષને ચૂંટણીના પરિણામો પણ એક કરી શક્યા ન હતા.
પીએમ મોદીએ કહ્યું હતું કે રાષ્ટ્રપતિના સંબોધન સામે કોઈને કોઈ વાંધો નથી. કોઈએ તેની ટીકા પણ કરી નથી. તેમણે કહ્યું કે હું ખુશ છું કે કોઈએ વિરોધ નથી કર્યો, બધાએ સ્વીકાર્યું. પીએમ મોદીએ કહ્યું કે તેને સમગ્ર ગૃહની મંજૂરી મળી ગઈ છે. સભ્યોએ પોતપોતાની વિચારસરણી મુજબ પોતાની વાત રાખી હતી. આનાથી તેની સમજ અને ઇરાદા પણ પ્રગટ થયા હતા.
વડાપ્રધાને કહ્યું કે તે 10 વર્ષોમાં વૈશ્વિક મંચ પર ભારતનો અવાજ એટલો નબળો હતો કે કોઈ સાંભળવા તૈયાર નહોતું. દરેક તકને મુશ્કેલીમાં ફેરવવી યુપીએની ઓળખ બની ગઈ છે. જ્યારે ટેક્નોલોજીનો યુગ ખૂબ જ ઝડપથી આગળ વધી રહ્યો હતો, તે જ સમયે તે 2જીમાં અટવાયેલો રહ્યો. જ્યારે પરમાણુ સમજૂતી પર ચર્ચા થઈ હતી, ત્યારે તે કેશ ફોર નોટમાં પડેલું હતું. 2010માં કોમનવેલ્થ ગેમ્સ યોજાઈ હતી. CWG કૌભાંડમાં આખો દેશ દુનિયામાં કુખ્યાત થયો હતો.
વડાપ્રધાન નરેન્દ્ર મોદીએ રાહુલ ગાંધીનું નામ લીધા વગર નિશાન સાધ્યું હતું. પીએમ મોદીએ કહ્યું કે ગઈકાલે કેટલાક લોકો કૂદતા હતા. તેમણે કહ્યું કે ગઈ કાલે કેટલાક લોકોના ભાષણ બાદ આખી ઇકોસિસ્ટમ ઉછળી રહી હતી.
વડાપ્રધાન નરેન્દ્ર મોદીએ કહ્યું હતું કે કોંગ્રેસના મોટા નેતાઓએ રાષ્ટ્રપતિનું અપમાન કર્યું છે. એક રીતે પીએમએ અધીર રંજન પર પણ નિશાન સાધ્યું હતું. પીએમ મોદીએ કહ્યું કે રાષ્ટ્રપતિએ ભાષણમાં કહ્યું કે દેશને મોટા કૌભાંડો અને સરકારી યોજનાઓમાં ભ્રષ્ટાચારથી આઝાદી જોઈતી હતી, દેશને તે મળી રહ્યું છે. પોલિસી પેરાલિસિસમાંથી બહાર આવીને આજે દેશ ઝડપી વિકાસના માર્ગ પર છે. મને આશા હતી કે અમુક લોકો આવી બાબતોનો ચોક્કસ વિરોધ કરશે. પણ કોઈએ વિરોધ કર્યો નહીં.
વડાપ્રધાન મોદીએ લોકસભામાં કહ્યું કે પડકારો વિનાનું જીવન નથી. ઘણા દેશોમાં ભારે મોંઘવારી છે. ખાવા-પીવાની કટોકટી છે. આ જ પરિસ્થિતિ આપણા પડોશમાં પણ છે. આવી સ્થિતિમાં કયો ભારતીય ગર્વ અનુભવતો નથી કે આવા સમયમાં પણ દેશ 5મી સૌથી મોટી અર્થવ્યવસ્થા બની ગયો છે. આજે વિશ્વને ભારત પર વિશ્વાસ છે. આજે ભારતને વિશ્વના સમૃદ્ધ દેશોના G20 જૂથની અધ્યક્ષતાની તક પણ મળી છે. આ દેશ માટે ગર્વની વાત છે. પરંતુ મને લાગે છે કે કેટલાક લોકો આના કારણે દુઃખી છે.