પ્રિયંકા ગાંધીએ કહ્યું કે, આ ચૂંટણી તમારી માટી અને માતાની ચૂંટણી છે. તમારી આત્માની ચૂંટણી છે. જ્યારથી ભાજપ સરકાર તમારા રાજ્યમાં આવી છે ત્યારથી તમારી આત્મા પર હુમલો કર્યો છે. તમારા આદિવાસીઓ પર હુમલો કરવામાં આવ્યો છે. તમારી આદિવાસી સંસ્કૃતિ પર તેઓ પ્રહાર કરે છે. જે કાયદાઓ તમારી સંસ્કૃતિને બચાવવા માટે બનાવવામાં આવ્યા છે એ કાયદાઓને તોડવા ભાજપ પૂરો પ્રયાસ કરી રહી છે. ભાજપની સરકાર પ્રચારમાં સુપર હીરો છે પરંતુ કામમાં સુપર ઝીરો છે.
ગાંધીએ કહ્યુ કે, જંગલના હજારો રંગ હોય છે પરંતુ ભાજપની વિચારધારા આ રંગો પ્રત્યા આંધળી છે. સત્ય તો એ છે કે ભાજપે 12 લાખ ગરીબ પરિવારોના રેશન કાર્ડ રદ કરી દીધા છે. કોગ્રેસ સરકારમાં 35 કિલો ચોખા મળતા હતા આજે ભાજપના રાજમાં 5 કિલો મળી રહ્યા છે.