પ્રિયંકા ગાંધી વાડ્રાએ એરટેલ, બીએસએનએલ, વોડાફોન અને જિયો ટેલીકોમ કંપનીઓને પત્ર લખીને કહ્યું, ભૂખ્યા તરસ્યા અને બીમારીઓ સામે લડીને લોકો પોતાના પરિવાર પાસે પહોંચવા સંકટનો સામનો કરી રહ્યા છે, આ પ્રકારની સ્થિતિમાં ટેલીકોમ કંપનીઓ સકારાત્મક પ્રભાવ પાડી શકે છે. તેમણે કહ્યું ઘણા એવા લોકો છે જે ઘરે જઈ રહ્યા છે તેમનું રિચાર્જ ખત્મ થઈ ગયું છે. આ પ્રકારની સ્થિતિમાં તેઓ પરિવાર સાથે વાત નથી કરી શકતા.
ટેલીકોમ કંપનીને અનુરોધ કરતા પ્રિયંકા ગાંધી વાડ્રાએ કહ્યું, આ પ્રકારની સ્થિતિમાં મોબાઈલ સેવામાં ઈનકમિંગ અને આઉટગોઈંગ એક મહિના માટે મફત કરવામાં આવે તો આ મુશ્કેલ સમયમાં લોકો પોતાના પરિવારના સંપર્કમાં રહે.