Punjab News: પંજાબમાં એક મોટી ઘટના સામે આવી છે. પંજાબમાં ફરી એકવાર પોલીસ સ્ટેશન પર રોકેટ લોન્ચરથી હુમલો કરવામાં આવ્યો છે. આ હુમલો તરનતારન જિલ્લાના સરહાલી પોલીસ સ્ટેશન પર કરવામાં આવ્યો છે. શુક્રવારે મોડી રાત્રે થયેલા હુમલામાં બિલ્ડિંગના કાચ તૂટી ગયા હતા. આ ઘટનામાં હજુ સુધી કોઈ જાનહાનિના અહેવાલ નથી. ઉપરાંત હુમલાખોરોની હજુ સુધી ઓળખ થઈ નથી. ઘટના બાદ પોલીસ વિસ્તારની પોલીસ સક્રિય બની છે. જણાવવામાં આવી રહ્યું છે કે રાત્રે લગભગ 1 વાગ્યે પોલીસ સ્ટેશનને નિશાન બનાવીને રોકેટ લોન્ચરથી હુમલો કરવામાં આવ્યો છે.
આ પહેલા મોહાલીના સેક્ટર-77માં પણ આરપીજી પર હુમલો થયો હતો. જે બાદ હવે આ મોટો હુમલો થયો છે. આરપીજીનો હુમલો ખૂબ જ શક્તિશાળી માનવામાં આવે છે. આવા હુમલાઓ એક મોટો ખતરો છે.
કહેવામાં આવી રહ્યું છે કે આ રોકેટ લોન્ચર પહેલા બીજે ક્યાંક પડ્યું અને પછી ડાયવર્ટ થઈને પોલીસ સ્ટેશન આવ્યું. રોકેટ લોન્ચરે પહેલા ગેટ અથવા થાંભલાને નિશાન બનાવ્યા, ત્યારબાદ તે અંદર આવ્યું. આ હુમલા બાદ સમગ્ર વિસ્તારને સીલ કરી દેવામાં આવ્યો છે. ગુપ્તચર એજન્સીઓએ આ હુમલાની પુષ્ટિ કરી છે. ડાયરેક્ટ ફટકો ન મળવાને કારણે તેની અસર ઘટી છે.
સરહાલી વિસ્તાર જ્યાં હુમલો થયો હતો. તે કુખ્યાત ગેંગસ્ટર હરવિંદર સિંહ ઉર્ફે રિંડાનો વિસ્તાર હોવાનું કહેવાય છે. તાજેતરમાં જ રિંડાનું પાકિસ્તાનમાં મૃત્યુ થયું હતું.
ગુજરાત ચૂંટણીમાં 617 અપક્ષે ડિપોઝિટ ગુમાવી
ગુજરાત વિધાનસભાની આ વખતની ચૂંટણીમાં બંને તબક્કામાં મળીને 624 ઉમેદવારો અપક્ષ ઉભા રહ્યા હતા અને જેમાંથી 623 ઉમેદવારો ચૂંટણી લડયા હતા.જેમાંથી ૬૧૭ અપક્ષ ઉમેદવારોની ડિપોઝિટ ડુલ થઈ છે.જો કે ગત 2017ની ચૂંટણી કરતા 166 અપક્ષ ઉમેદવારો ડિપોઝિટ ગુમાવવામા ઓછા છે.જ્યારે આ વખતની ચૂંટણીમાં અપક્ષોને ગત ચૂંટણીની સરખામણીએ મળેલા કુલ વોટની સંખ્યા 90 હજાર વધારે છે.ત્રણ અપક્ષ ઉમેદવાર જીત્યા છે જ્યારે ૩ અપક્ષ ઉમેદવારે તો 40-40 હજારથી વધુ વોટ મેળવીને ત્રણ બેઠકમાં બે અપક્ષે કોંગ્રેસના ઉમેદવારને પાછળ રાખ્યા છે અને એકે તો ભાજપના ઉમેદવારને ટક્કર આપી છે. ગુજરાત વિધાનસભાની 2017ની ચૂંટણીમાં કુલ 794 અપક્ષ ઉમેદવારો હતા અને જેમાંથી 784 ઉમેદવારો પોતાની ડિપોઝિટ ગુમાવી હતી.ચૂંટણી પંચના નિયમ મુજબ પડેલા કુલ વોટમાંથી 16.67 ટકા વોટ જે ઉમેદવારને ન મળે તેની ડિપોઝિટ જપ્ત થાય છે. આ વખતની ચૂંટણીમાં અપક્ષ ઉમેદવાર બંને તબક્કામાં મળીને 624 હતા.જેમાં પ્રથમ તબક્કામાં 304 પુરુષ અને 35 મહિલા સાથે 339 અને બીજા તબક્કામાં 262 પુરુષ અને 21 મહિલા સાથે 285 ઉમેદવાર અપક્ષ હતા. ચૂંટણી લડેલા કુલ 623 ઉમેદવારોમાંથી ત્રણ અપક્ષ ઉમેદવારો જીત્યા છે. જ્યારે 620 ઉમેદવારોમાંથી 617 ઉમેદવારોની ડિપોઝિટ જતી કરવી પડશે. અન્ય ત્રણ ઉમેદવારો એવા છે કે જેઓના વોટ 16.67 ટકાથી વધુ છે.આ ઉમેદવારોના હાલોલના અપક્ષ ઉમેદવારના વોટ 58048 છે અને જેને કુલ 29.21 ટકા વોટ મળ્યા છે.જેની સામે કોંગ્રેસના ઉમેદવારને માત્ર 3.5 ટકા મુજબ 6944 જ વોટ મળ્યા છે. આ ઉપરાંત લુણાવાડા બેઠકમાં અપક્ષ ઉમેદવાર જયપ્રકાશ પટેલને 43749 વોટ મળ્યા છે અને વોટ શેર 23.78 ટકા છે.