આરોપી મહિલા ડોક્ટર સીમાએ કહ્યું હતું કે, પતિ ડો. સુદીપના દીપા સાથે આડા સંબંધો ધરાવતો હતો. પોલીસે હાલ સીમા ગુપ્તા અને તેમની સાસુની ધરપકડ કરી છે. સીમા ગુસ્સામાં દીપાના ઘરે કોલ્ડ ડ્રિંકની બોટલમાં કેરોસીન લઈને પહોંચી હતી. એટલું જ નહીં દીપા અને તેનો દીકરો બચી ન શકે તેના માટે તેને બહારથી જ લોક મારી દીધું હતું.
આગ લાગ્યા બાદ દીપા અને તેનો દીકરો આમ તેમ ભાગવા લાગ્યા હતા અને બૂમા બૂમ કરી મુકી હતી પરંતુ કોઈએ બચાવવાની હિંમત કરી નહતી. આગ ઓલવાયા બાદ મા-દીકરા બન્નેના મૃતદેહ રસોડામાંથી મળી આવ્યા હતા.
સીમાના જણાવ્યા પ્રમાણે, તે અને તેની સાસુ માત્ર દીપાને ધમકાવવા માટે આવી હતી પરંતુ બોલાચાલી થતાં તે તેના ગુસ્સા પર કાબુ કરી શકી ન હતી અને ગુસ્સામાં જ કેરોસીન છાંટીને આગ ચાંપી દીધી હતી. હું ગભરાઈ ગઈ ત્યાં સુધી તો આગ ચારેય બાજુ ફેલાઈ ગઈ હતી. મને નહોંતી ખબર કે વાત આટલી બધી આગળ વધી જાશે.