જયપુરઃ રાજસ્થાન પોલીસમાં ડીએસપીનો મહિલા કોન્સ્ટેબલ સાથેનો આપત્તિજનક વીડિયો સામે આવ્યા બાદ પોલીસ બેડામાં ખળભળાટ મચી ગયો હતો. રવિવારે એસઓજીએ મહિલા કોન્સ્ટેબલને કલવાર વિસ્તારમાં તેના કાકાના ઘરેથી ઝડપી લીધી હતી. તેની પોક્સો સહિત વિવિધ કલમો હેઠળ ધરપકડ કરવામાં આવી છે અને પૂછપરછ કરવામાં આવી રહી છે. આ પહેલા ધરપકડ કરાયેલા ડીએસપીને 17 સપ્ટેમ્બર સુધી પોલીસ કસ્ટડીમાં મોકલી દેવામાં આવ્યા છે. પોલીસ કસ્ટડીમાં હીરાલાલ સૈનીની પૂછપરછ થઈ રહી છે.
પોલીસ પૂછપરછમાં શું થયો મોટો ખુલાસો
પોલીસ પૂછપરછમાં ખુલાસો થયો છે કે બંને વચ્ચે છેલ્લા પાંચ વર્ષથી અફેર હતું. બંને 2016માં અજમેર જિલ્લામાં હતા ત્યારથી બંને વચ્ચે સંબંધ છે. પાંચ વર્ષ દરમિયાન બંનેએ અનેક વખત શારિરીક સંબંધ બાંધ્યા હતા.
મહિલા કોન્સ્ટેબલે વોટ્સએપમાં પોસ્ટ કર્યો વીડિયો, થયો વાયરલને.....
પુષ્કરની ફાઇવ સ્ટાર હોટલના રિસોર્ટના સ્વિમિંગ પૂલમાં બાળક સામે સસ્પેન્ડેડ ડીએસપી હીરાલાલ સૈની અને મહિલા કોન્સ્ટેબલે અશ્લીલ હરકત કરી હતી. જે બાદ મહિલાએ 27 જુલાઈએ વોટ્સએપ પર આ વીડિયોને શેર કર્યો હતો. જે થોડા સમયમાં વાયરલ થયો હતો. જેની જાણકારી મહિલાના પતિ અને પરિવારજનોને પણ લાગી હતી.
મહિલા પોલીસકર્મીના પતિએ ચિતવા પોલીસ સ્ટેશનમાં ફરિયાદ નોંધાવી હતી પરંતુ મામલો દબાવી દીધો હતો. જે બાદ મહિલાના પતિએ નાગૌર એસપીને લેખિત ફરિયાદ કરી હતી. મામલો એટલો વધી ગયો કે ડીજીપીએ ખુદ કાર્યવાહી કરીને ચાર પોલીસકર્મીને સસ્પેન્ડ કર્યા હતા.