અરજીમાં પાયલટ અને 18 ધારાસભ્યોને રાજ્ય વિધાનસભા અધ્યક્ષ તરફથી અયોગ્ય કરવા સંબંધી નોટીસ જાહેર કરવાને પડકારવામાં આવી છે. આ અરજી પર મુખ્ય ન્યાયધીશ ન્યાયમૂર્તિ ઈંદ્રજીત મહંતી અને ન્યાયમૂર્તિ પ્રકાશ ગુપ્તાએ શુક્રવારે સુનાવણી શરૂ કરી અને દલીલો સોમવાર સુધી સાંભળવામાં આવી.
આ કેસમાં આજે સવારે 10.30 વાગ્યે ફરી સુનાવણી શરૂ થઈ હતી. પાયલટ અને કૉંગ્રેસના અન્ય બાગી ધારાસભ્યો તરફથી રજૂ થયેલા વરિષ્ઠ અધિવક્તા મુકુલ રોહતગીએ અરજીકર્તાઓના પક્ષમાં દલીલો પૂરી કરી હતી.
બાગી ધારાસભ્યોએ કૉંગ્રેસ પ્રદેશમાં ચાલી રહેલા કલેહ વચ્ચે શુક્રવારે કોર્ટના દરવાજા ખખડાવ્યા હતા. રાજસ્થાનમાં મુખ્યમંત્રી અશોક ગહેલોત અને હટાવવામાં આવેલા ઉપ મુખ્યમંત્રી પાયલટ વચ્ચે સત્તાને લઈને સંઘર્ષ ચાલી રહ્યો છે.