Ratan Tata salary: દુનિયા રતન ટાટાને માત્ર એક ઉદ્યોગપતિ તરીકે જ નહીં પરંતુ પરોપકારી વ્યક્તિ તરીકે પણ જાણે છે. રતન ટાટા ટાટા સન્સના ચેરમેન, 3800 કરોડ રૂપિયાની કંપનીના માલિક, વિશ્વના 100થી વધુ દેશોમાં 30થી વધુ કંપનીઓને નિયંત્રિત કરનાર વ્યક્તિ હતા. રતન ટાટાએ ભારતીય ઉદ્યોગને નવી ઊંચાઈઓ આપી. પરંતુ શું તમે જાણો છો કે ટાટા ચેરમેન તરીકે રતન ટાટા પોતે કેટલો પગાર મેળવતા હતા? ટાટા ગ્રુપમાં આજે 100 થી વધુ દેશોમાં ફેલાયેલી 30થી વધુ કંપનીઓ છે. આ તમામની માર્કેટ કેપ 403 બિલિયન ડોલરની છે.
રતન ટાટા કોણ હતા?
રતન ટાટાનો જન્મ 28 ડિસેમ્બર 1937ના રોજ મુંબઈમાં થયો હતો. તેઓ નવલ ટાટા અને સુની ટાટાના પુત્ર હતા. 17 વર્ષની ઉંમરે રતન ટાટા અભ્યાસ માટે અમેરિકાની કોર્નેલ યુનિવર્સિટી ગયા જ્યાં તેમણે આર્કિટેક્ચર એન્જિનિયરિંગનો અભ્યાસ કર્યો હતો. ત્યારબાદ 1962માં ભારત પરત આવ્યા બાદ તેઓ ટાટા ગ્રુપમાં સહાયક તરીકે જોડાયા.
ટાટા ગ્રુપમાં લગભગ 12 વર્ષ સુધી વિવિધ હોદ્દા પર કામ કર્યા પછી રતન ટાટા 1974માં ટાટા સન્સ બોર્ડમાં ડિરેક્ટર તરીકે જોડાયા. ત્યારબાદ 1991માં તેઓ ટાટા સન્સના ચેરમેન બન્યા હતા. 2012માં અધ્યક્ષ પદ છોડી દીધું હતું
રતન ટાટાને કેમ પસંદ કરવામાં આવ્યા હતા?
ટાટા સન્સમાં તેમના 50 વર્ષના કાર્યકાળ દરમિયાન રતન ટાટાએ કંપનીને વૈશ્વિક સ્તરે ખૂબ પ્રગતિ કરી હતી. રતન ટાટાએ માત્ર ધંધો જ વિસ્તાર્યો ન હતો પરંતુ સામાન્ય લોકો માટે દવા, શિક્ષણ, સંશોધનથી લઈને પ્રાણીઓ માટે ચેરિટી સુધીના સમાજસેવાના અસંખ્ય કાર્યો પણ કર્યા હતા.
રતન ટાટાનો પગાર
એવું કહેવાય છે કે ટાટા સન્સના ચેરમેન તરીકે રતન ટાટાનો વાર્ષિક પગાર લગભગ 2.5 કરોડ રૂપિયા હતો. એટલે કે દર મહિને આશરે 20.83 લાખ રૂપિયા. દરરોજના લગભગ 70 હજાર રૂપિયા, પ્રતિ કલાકના 2900 રૂપિયા અને પ્રતિ મિનિટના 48-49 રૂપિયાની આસપાસ હતો. આ આંકડો ભારતના અન્ય કોઈપણ મોટા ઉદ્યોગપતિની પ્રતિ મિનિટની કમાણી કરતા ઘણો ઓછો છે.
રતન ટાટાની આવક કેમ ઓછી હતી?
તમારા મનમાં આ પ્રશ્ન ઉદ્ભવશે કે રતન ટાટાનો પગાર આટલો ઓછો કેમ હતો? વાસ્તવમાં રતન ટાટા માટે વ્યક્તિગત સંપત્તિ વધારવા કરતાં કંપનીનો નફો અને લોકોનું કલ્યાણ વધુ મહત્ત્વપૂર્ણ હતું. તેમનો પગાર એ વાતનો પુરાવો છે કે રતન ટાટા તેમની કમાણીનો મોટો હિસ્સો પરોપકારી કાર્યોમાં ખર્ચ કરતા હતા