રિપોર્ટ છે કે, મંડી હાઉસમાં હાલ પ્રદર્શનને ધ્યાનમાં રાખીને કલમ 144 લાગુ કરી દેવામાં આવી છે. આ માર્ચમાં સ્વરાજ ઇન્ડિયાના સંસ્થાપક યોગેન્દ્ર યાદવ પણ સામેલ છે.
CAAના વિરોધમાં મંડી હાઉસ વિસ્તારમાં લગભગ બે થી ત્રણ હજાર લોકો જોડાયા છે. દિલ્હી પોલીસ આ માર્ચની સાથે સાથે એક દોરડુ-રાસ લઇને ચાલી રહી છે. હાલ પોલીસ તરફથી પ્રદર્શનકારીઓને રોકવામાં નથી આવી રહ્યાં.
CAAના વિરોધમાં ઉતરેલા પ્રદર્શનકારીઓ નારેબાજી કરી રહ્યાં છે, માહિતી પ્રમાણે, આ માર્ચ મંડી હાઉસથી શરૂ થઇને પાર્લામેન્ટ સ્ટ્રીટ સુધી જશે.
નોંધનીય છે કે, દેશભરમાં નાગરિકતા સંશોધન કાયદો અને એનઆરસીને લઇને પુરજોશમાં વિરોધ પ્રદર્શન થઇ રહ્યું છે.