સાલ્વે પણ ધર્મ બદલીને હવે ઇસાઇ બની ચૂકયા છે. પોતાની થનાર પત્ની કેરોલીન સાથે તેઓ છેલ્લાં બે વર્ષથી નિયમિત રીતે ઉત્તર લંડનના ચર્ચમાં જતા રહ્યા છે. હરિશ સાલ્વે અને કેરોલિન બંનેના આ બીજા લગ્ન છે. બંનેને અગાઉના લગ્નથી સંતાનો પણ છે. વ્યવસાયે કલાકાર કેરોલીન 56 વર્ષના છે અને એક દકીરીના માતા છે. હરીશ સાલ્વેની કેરોલીન સાથે મુલાકાત આર્ટ એક્ઝિબિશનમાં થઇ હતી. બંનેના વચ્ચે આ મુલાકાત ધીમે ધીમે વધુ ગાઢ બનતી ગઇ.
સાલ્વે છૂટાછેડા બાદ લંડનમાં બાળકોથી દૂર રહેતા પણ કેરોલીન એ તેમને ભાવનાત્મક રીતે ખૂબ સંભાળ્યા. બંનેની વચ્ચે ખૂબ અંડરસ્ટેન્ડિંગ અને વાત આગળની જિંદગી એક સાથે પસાર કરવા સુધી પહોંચી.
આપને જણાવી દઈએ કે, ચીફ જસ્ટિસ ઓફ ઈન્ડિયા શરદ અરવિંદ બોબડે અને સાલ્વે બંને એક જ શાળામાં અભ્યાસ કર્યો છે. બંને મહારાષ્ટ્રના નાગપુરમાં અભ્યાસ કરતા હતા. 1976માં સાલ્વે દિલ્હી આવ્યા અને બોબડે મુંબઈ હાઈકોર્ટમાં. બાદમાં બોબડે મુંબઈ હાઈકોર્ટમાં જજ બની ગયા, જ્યારે સાલ્વે સીનીયર એડવોકેટ અને બાદમાં સોલિસિટર જનરલ બન્યા.
દેશ દુનિયાના જાણીતા ઉદ્યોગપતિ અને કંપનીઓમાં વોડાફોન, રિલાયંસ, મુકેશ અંબાણી, રતન ટાટા જેવા તમામ મોટા નામોના કાયદાકીય કોર્ટ કેસમાં તેઓ દલીલ કરતા રહ્યા છે. આ તમામ મોટા લોકોના કેસ તેમણે લડ્યા છે.