શેરબજાર:ભારતીય શેરબજારોમાં આજે તેજી જોવી મળી છે, શેરબજારમાં આજે શાનદાર ઉછાળો જોવા મળ્યો. જે રોકાણકારો માટે બંપર ફાયદાનો સોદો સાબિત થશે. આજે સેંસેક્સ વખત 49 હજારને પાર ખૂલ્યો.સેંસેક્સે ઐતિહાસિક 49.000ની સપાટી પ્રિ-ઓપનિંગમાં પાર કરી લેતા. રોકાણકારો માટે સારા સંકેત છે.  આજે  HUL સહિતના શેરમાં તેજી જોવા મળી રહી છે. ઈન્ફોસિસ 3.79 ટકા વધી 1361.55 પર કારોબાર કરી રહ્યો છે. HCL ટેક 2.18 ટકા વધી 1016.15 પર કારોબાર કરી રહ્યો છે. જોકે અલ્ટ્રાટેક સિમેન્ટ, સન ફાર્મા, બજાજ ફાઈનાન્સ, કોટક મહિન્દ્રા, એક્સિસ બેન્ક સહિતના શેરમાં ઘટાડો જોવા મળી રહ્યો છે. અલ્ટ્રાટેક સિમેન્ટ 0.71 ટકા ઘટી 5555.40 પર કારોબાર કરી રહ્યો છે. ONGC 0.50 ટકા ઘટી 100.15 પર કારોબાર કરી રહ્યો છે.

આ કારણોથી આવી તેજી

દેશની અગ્રણી સોફ્ટવેર કંપની ટાટાકન્સલ્ટન્સી સર્વિસીસ (ટીસીએસ) ના ત્રિમાસિક પરિણામોને લીધે બજાર પ્રથમ વખત 49 હજારથી વધુ ખુલ્યું છે. 2020 ના છેલ્લા ક્વાર્ટરમાં ટીસીએસનો નફો 7.2 ટકા વધ્યો હતો અને કંપનીનો શેર 1 ટકાથી ઉપર ટ્રેડ કરી રહ્યો છે.

જાન્યુઆરીમાં અત્યાર સુધીમાં વિદેશી રોકાણકારોએ 4,819 કરોડ રૂપિયાનું રોકાણ કર્યું છે. જો કે, કામચલાઉ આંકડામાં તે રૂ .9,264 કરોડ છે. શુક્રવારે 6000 કરોડથી વધુનું રોકાણ કરાયું હતું. ડિસેમ્બરમાં કુલ 62000 કરોડનું રોકાણ થયું હતું.

યુ.એસ. માં નવા રાહત પેકેજની ઘોષણાના સમાચારને પગલે શુક્રવારે વૈશ્વિક શેર બજારોમાં તેજી આવી. દક્ષિણ કોરિયાની કોપ્સી 9.97 ટકા વધી હતી. હોંગકોંગનો હેંગસેંગ 1.20 ટકા, ચીનનો શાંઘાઈ કમ્પોઝિટ ડાઉન હતો. આ સિવાય યુરોપના શેર બજારોમાં પણ તેજી જોવા મળી હતી.

આજે 1270 શેરોમાં તેજી જોવા મળી તો 307 શેરોમાં ઘટાડો થયો. 86 શેરોમાં કોઈ ફેરફાર જોવા નથી મળ્યો. કેન્દ્રીય બજેટ પહેલા રોકાણકારો મૂડીરોકાણ અંગે ચિંતિત છે કારણ કે મોટાભાગના બજાર વિશ્લેષકોના મતે, આ વખતે બજેટ કોરોનાને કારણે અપેક્ષા મુજબ નહીં આવે, જેના કારણે બજારમાં સતત વધઘટ થતી રહે છે. આથી રોકાણકારોએ સાવધ રહેવું જોઈએ. ગયા અઠવાડિયે સેન્સેક્સ 913.53 પોઇન્ટ અથવા 1.90 ટકા વધ્યો હતો, જ્યારે નિફ્ટી 328.75 પોઇન્ટ અથવા 2.34 ટકા વધ્યા હતા.