હવે આ સમગ્ર મામલે ટ્વિટરનું પણ નિવેદન આવ્યું છે. ટ્વિટરે કહ્યું કે, “આ એકાઉન્ટ અમારા સ્પેમ ફિલ્ટરમાં આવ્યું હતું. આવા કિસ્સામાં તે સુનિચ્છિત કરવા માટે કે એકાઉન્ટ સાથે કોઈ ચેડા નથી કરવામાં આવ્યા, અકાઉન્ટના ઓનર તરફથી એક સિમ્પલ રી-કેપ્ચા પ્રોસેસ પૂરી કરવાની હોય છે. તેને એન્ટી સ્પેમ ચેલેન્જ પણ કહી શકાય. આ ચેલેન્જ સાચા એકાઉન્ટ માલિક માટે સરળ હોય છે પરંતુ છેડછાડ કરનાર માટે મુશ્કેલ હોય છે. જ્યારે એકાઉન્ટ દ્વારા સિક્યોરિટી સ્ટેપ પૂરી કરી લેવામાં આવે છે, ત્યારે ફરી એકાઉન્ટ શરૂ થઈ જાય છે. જેમ કે, @Amul_Coopનો મામલો હતો, તેને પૂરું કરી એક્સેસ ફરી મળી જાય છે. એકાઉન્ટની સુરક્ષા માટે અમારે નિયમિત રીતે લોગ-ઈન વેરિફિકેશન માટે સિક્યોરિટી-કીને પૂરી કરવાની જરૂર હોય છે.” જો કે, બાદમાં અમુલનું ટ્વિટર એકાઉન્ટ શરુ થઈ ગયું છે.
ઉલ્લેખનીય છે કે, અમુલે ટ્વિટર પર ‘Exit The Dragon’ અને અમુલ મેડ ઈન ઇન્ડીયા લખાણવાળું અમુલ ગર્લનું કાર્ટુન પોસ્ટ કર્યુ હતું. અમુલ ગર્લનું કાર્ટુન દ્વારા દેશમાં વર્તમાન પ્રવાહો અને લોકોની લાગણી કાર્ટુન દ્વારા રજુ કરાતી હોય છે.