વાયરલ થઇ રહેલા આ વીડિયોમાં બે લેડી કૉન્સ્ટેબલ વીઆઇપી રૂટ ડ્યૂટી કરી કરી રહી છે, આ દરમિયાન હસી મજાકમાં ફિલ્મી સ્ટાઇલમાં વીડિયો બનાવી રહી છે. આ બન્ને લેડી કૉન્સ્ટેબલ 2018માં દિલ્હી પોલીસમાં ભરતી થઇ હતી.
ઉલ્લેખનીય છે કે, પોલીસ કર્મીનો આ વીડિયો વાયરલ થયા બાદ દિલ્હી પોલીસ હરકતમાં આવી ગઇ છે. પોલીસ એડિશનલ પીપીઆરઓ અનિલ મિત્તલનું કહેવું છે કે આ વીડિયોની તપાસ થઇ રહી છે, બાદમાં એક્શન પણ લેવામાં આવશે.
થોડાક સમય પહેલા ગુજરાત પોલીસની મહિલા કૉન્સ્ટેબલનો પોલીસ સ્ટેશનમાંથી ફિલ્મી સ્ટાઇલનો ટિકટૉક વીડિયો વાયરલ થયો હતો. આ વીડિયો બાદ લેડી કૉન્સ્ટેબલને સસ્પેન્ડ કરી દેવામાં આવી હતી.