UP: અસદુદ્દીન ઔવેસીના કાફલા પર ફાયરિંગ, ત્રણથી ચાર લોકોએ ફાયરિંગ કર્યાનો ઔવેસીનો દાવો

ઔવેસીનો કાફલો મેરઠથી દિલ્હી પરત ફરી રહ્યો હતો ત્યારે તેમના કાફલા પર ફાયરિંગ કરવામાં આવ્યું છે

ઉત્તર પ્રદેશના ગાઝિયાબાદના ડાસનામાં અસદુદ્દીન ઔવેસીના કાફલા પર ફાયરિંગ થયું છે. ગાઝિયાબાદના ડાસનામાં ઔવેસીના કાફલા પર ચાર રાઉન્ડ ફાયરિંગ કરવામાં આવ્યું છે. ઔવેસીનો કાફલો મેરઠથી દિલ્હી પરત ફરી રહ્યો હતો ત્યારે તેમના કાફલા પર ફાયરિંગ કરવામાં આવ્યું છે. ઔવેસીએ દાવો કર્યો હતો કે ત્રણથી ચાર લોકોએ ફાયરિંગ કર્યું છે.

 

આ ઘટનાને લઇને અસદુદ્દીન ઓવૈસીએ ન્યૂઝ એજન્સી એએનઆઇએ કહ્યું કે હું મેરઠના કિઠૌરમાં એક ચૂંટણી કાર્યક્રમ બાદ દિલ્હી જઇ રહ્યો હતો. છીઆરસી ટોલ પ્લાઝા પાસે બે લોકોએ મારી ગાડી પર ત્રણ-ચાર રાઉન્ડ ફાયરિંગ કર્યું છે. તે કુલ ત્રણ-ચાર લોકો હતા. મારી ગાડીના ટાયર પંક્ચર થઇ ગયા છે. ત્યારબાદ હું બીજી ગાડીમાં ત્યાંથી નીકળ્યો છું.