વિશ્વ હિંદુ પરિષદના આલોક કુમારે જણાવ્યું કે, "વીએચપીના ધર્મ સંસદમાં રામ મંદિરને લઇને સંતોએ જે પ્રસ્તાવ પાસ કર્યો છે તેના પ્રમાણે ધર્મ સંસદ 42 એકરની જમીન પર રામ જન્મભૂમિ ન્યાસને પરત આપવાની કેન્દ્ર સરકારની અરજીનું સ્વાગત કરે છે. એટલુંજ નહીં ધર્મ સંસદનું માનવું છે કે લોકસભા ચૂંટણી દરમિયાન રામ જન્મભૂમિ માટે આંદોલન કરવું એક ચૂંટણી મુદ્દો હોઇ શકે છે તેથી કોઈ આગામી ચાર મહિનામાં કોઈ જ આંદોલન નહીં કરવામાં આવે."
ઉલ્લેખનીય છે કે, 30 જાન્યુઆરીએ જ્યોતિષ પીઠાધીશ્વર સ્વરુપાનંદ સરસ્વતીની આગેવાનીમાં ધર્મ સંસદમાં જાહેરાત કરવામાં આવી હતી કે 21 ફેબ્રુઆરીએ અયોધ્યામાં રામ મંદિરના શિલાન્યાસનો કાર્યોક્રમ યોજાશે.