અરવલ્લી જિલ્લાના મોડાસા તાલુકાની ચિંતા પણ વધી રહી છે. ગઈ કાલે એટલે કે 19મી જૂને જિલ્લામાં કોરોનાના વધુ ૫ કેસ નોંધાયા છે, જેમાંથી ચાર કેસ તો મોડાસાના હતા. ગઈ કાલે મોડાસાના ચૌહાણ વાળા , કસ્બા મસ્જિદ, સમસ સોસાયટી અને પ્રેમનગર સોસાયટીમાં કોરોનાના કેસ નોંધાયા હતા. પાંચમો કેસ પહાડપુરમાં ૪૬ વર્ષના પુરુષનો હતો.
ગત 18મી જૂને અરવલ્લી જિલ્લામાં એક જ દિવસમાં કોરોનાના 9 કેસો નોંધાયા હતા. જેમાંથી 4 કેસ મોડાસાના હતા. આમ, અરવલ્લીમાં કુલ 186 કોરોના કેસ નોંધાયા છે. તેમજ જિલ્લમાં 14 દર્દીઓના મરણ થયા છે, જ્યારે 126 દર્દીઓ સાજા થયા છે.