મળતી માહિતી મુજબ મોરબીના વાવડી રોડ પર આવેલ સોમૈયા સોસાયટીના રવિ પાર્કમાં રહેતા વૃદ્ધાનો કોરોના રિપોર્ટ પોઝિટિવ આવ્યો છે. વૃદ્ધા 18 મેના રોજ મોરબી આવ્યા હતા. નોંધનયી છે કે, મોરબીનો રવિપાર્ક વિસ્તાર કન્ટેઈનમેન્ટ ઝોન તરીકે જાહેર કરવામાં આવ્યો છે. અહીં 2 ફ્લેટ અને 10 મકાનના અંદાજે 123 લોકોને હોમ કોરેન્ટાઈન કરવામાં આવ્યા છે.
મોરબીમાં વધુ એક કેસ આવતા તંત્ર દોડતું થયું છે. આરોગ્યની 10 જેટલી ટીમ દ્વારા આજથી તમામનું સર્વેક્ષણનું કામ શરૂ કરવામાં આવશે.
મોરબી જિલ્લાની વાત કરીએ તો અત્યારે સુધીમાં કુલ 1648 લોકોના કોરોના ટેસ્ટ કરવામાં આવ્યા છે જેમાંથી 3 પોઝિટિવ કેસ આવ્યા છે. જ્યારે 2 લોકો રિકવર થઈને ઘરે ગયા છે. સારી વાત એ છે કે જિલ્લામાં એક પણ વ્યક્તિનું કોરોનાને કારણે મોત થયું નથી. મોરબીમાં હાલમાં કુલ 1980 લોકો કોરેન્ટાઈન હેઠળ છે.