રાજકોટમાં આજે 99 લોકો કોરોના પોઝિટિવ આવ્યા છે. સવારે 42 અને સાંજે વધુ 57ને કોરોના પોઝિટિવ આવ્યો છે. કુલ આંક 4731 પર પહોંચ્યો છે. આ ઉપરાંત રાજકોટવાસીઓ માટે મોટા રાહતના સમાચાર એ છે કે, જિલ્લાના 259 ગામો કોરોનામુક્ત છે. માર્ચથી સપ્ટેમ્બર મહિના સુધી આ ગામોમાં કોરોનાનો એક પણ કેસ આવ્યો નથી.
કોરોનાનું સંક્રમણ વધતા હળવદ તાલુકાના ટીકર ગામે લોકડાઉન કરવામાં આવ્યું છે. મોરબી જિલ્લામાં વધતા જતા સંક્રમણને લઈને ગામડાઓ ફરી સતર્ક થયા છે. તા.17 થી 23 સુધી ટીકર ગામમાં લોકડાઉન કરવામાં આવ્યું છે. ટિકર ગામે બજારો સવારના 7 થી 12 વાગ્યા સુધી ખુલી રહેશે અને ફેરિયાઓને ગામમાં આવવા પર પ્રતિબંધ ફરમાવ્યો છે.