મેળાના ઉદ્ઘાટન કાર્યક્રમમાં મુખ્યમંત્રી ઉપરાંત પાણી પુરવઠા મંત્રી કુંવરજી બાવળિયા, ધારાસભ્ય ગોવિંદ પટેલ તથા લાખાભાઇ સાગઠિયા, મ્યુનિ.કમિશ્નર બંછાનિધિ પાની, શહેર પોલિસ કમિશ્નર મનોજ અગ્રવાલ સહિતના અન્ય અધિકારીઓ પણ હાજર રહ્યા હતા.
સૌરાષ્ટ્ર સહિત સમગ્ર ગુજરાતમાં રાજકોટના લોકમેળાનું આગવું મહત્વ છે. દર વર્ષે લાખોની સંખ્યામાં મુલાકાતીઓ આ મેળામાં પહોંચે છે. પાંચ દિવસ ચાલનારા આ મેળામાં અંદાજીત 1 હજારથી વધારે સ્ટોલ અને 50થી વધુ રાઈડ ઈન્સ્ટોલ કરવામાં આવી છે.
રાજકોટમાં યોજાયેલા મેળામાં તમામ રાઈડનું ચેકિંગ કરવામાં આવ્યું હતું. આ સાથે કડક સુરક્ષા વ્યવસ્થા ગોઠવી દેવામાં આવી છે. પોલીસ તંત્ર દ્વારા 78 અધિકારી અને 1300થી વધુ કર્મચારીઓની ટીમ તૈનાત કરી દેવામાં આવી છે.