ગોંડલ પંથકમાં પણ બપોર બાદ ધોધમાર વરસાદ શરૂ થયો છે. શહેરના અનેક વિસ્તારોમાં વરસાદ પડી રહ્યો છે. જેલ ચોક, કોલેજ ચોક, કપુરીયા, માંડવી ચોક સહિતના વિસ્તારમાં વરસાદ પડી રહ્યો છે. ભારે વરસાદના કારણે બસ સ્ટેન્ડમાં પાણી ભરાયા છે.
દક્ષિણ ગુજરાત અને સૌરાષ્ટ્રમાં બે દિવસ ભારે વરસાદની હવામાન વિભાગ દ્વારા આગાહી કરવામાં આવી છે. અમદાવાદમાં હળવાથી મધ્યમ ઝાપટાની સંભાવના છે. નવસારી, વલસાડ, દમણ, અમરેલી, ગીર સોમનાથમાં અતિભારે વરસાદ પડે તેવી શક્યતા છે.