રાજકોટ જિલ્લાના જેતપુરમાં બપોર બાદ અનરાધાર વરસાદ વરસ્યો હતો. બપોર બાદ વરસેલા વરસાદે જેતપુરના નવાગઢના બલદેવ ધાર વિસ્તારમાં તબાહી મચાવી દીધી હતી. માત્ર 3 કલાકમાં જેતપુરમાં 4 ઈંચ જેટલો વરસાદ વરસી ગયો હતો. જેના પગલે જેતપુરના બલદેવ ધાર વિસ્તારમાં પાણી ફરી વળ્યાં હતાં.
આ વિસ્તારમાં કમર સુધી પાણી ભરાઈ ગયા હતાં. આ પાણી અહીં લોકોના ઘરમાં ઘુસી ગયા હતા. અંદાજિત એક હજાર લોકોને આ પાણીની અસર થવા પામેલ હતી. આ વિસ્તારમાં લોકોના ઘરોમાં પાણી ઘૂસી ગયા હતા જેના કારણે લોકોને મુશ્કેલીનો સામનો કરવો પડ્યો હતો. ઘરોમાં પાણી ભરાયા તેના દ્રશ્યો એકવાર જોશો તો તમને ખ્યાલ આવશે.
આ વરસાદી પાણી એ અહીંના 200 જેટલા ઘરોમાં આ પાણી ઘુસી ગયા હતા. ઘરમાં ઘુસેલા આ પાણીએ લોકો તમામ ઘર વખરીનો બગડી હતી. ઘરમાં રહેલા અનાજ, વાસણ, અને તમામ ઘર વખરી ઉપર પાણી ફરી વળ્યાં હતા.