આ અંગે મળતી વિગતો એવી છે કે, પરણીત યુવતીને યુવક સાથે પ્રેમસંબંધ હતા. જોકે, પતિ તેમાં આડખીલી બનતો હોવાથી પત્નીએ ફિલ્મી સ્ટાઈલથી હત્યાનું કાવતરું ધડ્યું હતું. યુવતીએ તેના પ્રેમીએને કહ્યું, શૈલેશ મને તારી સાથે નહિ રહેવા દે. આથી પ્રેમીએ પ્રેમિકાને કહ્યું, તું તેને કાન્તીનગરમાં લઇ આવ ત્યાં હું તેને પતાવી દઈશ.
આ પછી કાવતરા પ્રમાણે મરણ જનાર શૈલેશ અગેચાણીયા કાન્તીનગરમાં આવતાની સાથે જ પ્રેમી અને તેના મિત્રે શૈલેશને માથામાં પાઈપ મારીને મારી માર્યો હતો. તેમજ આરોપી જુમાના ઘરે લઇ જઈ તા.૨૭ ના રોજ હત્યા કરી અને બાદમાં તેને ગાડીમાં રાખીને તા.૨૮ ના રોજ આરોપી જુમાના ઘરની પાછળ દાટી દીધો હતો.
હત્યા મામલે પોલીસે હત્યા સહીત ૧૨૦(b)નો ઉમેરો કરી બે આરોપીની ધરપકડ કરી છે. આરોપી જુમા માજોઠી અને તેના મિત્ર શાહરૂખની ધરપકડ કરી છે. આરોપી પત્ની યાસ્મીન ઉર્ફે આરતી અને જુમાના બનેવીની પોલીસ શોધખોળ હાથ ધરી છે.