રાજકોટ: રાજકોટમાં પ્રેમ સંબંધનો કરૂણ અંજામ સામે આવ્યો છે. મળતી જાણકારી અનુસાર, એક યુવતીએ પ્રેમી સાથે વીડિયો કોલ પર વાત કરતા કરતા પોતાના પર કેરોસીન છાંટી અગ્નિસ્નાન કરી લીધું હતું. રાજકોટમાં અગ્નિસ્નાન કરનાર યુવતીનું સારવાર દરમિયાન મોત નિપજ્યું છે. પ્રેમી સામે ચાલુ વીડિયો કોલ પર યુવતીએ અગ્નિસ્નાન કર્યું હતું. ગંભીર રીતે દાઝી ગયેલી યુવતીને હોસ્પિટલમાં સારવાર માટે ખસેડવામાં આવી હતી. યુવકના પિતાએ પ્રેમ સબંધ ન રાખવા દબાણ કરતા યુવતીએ પગલું ભર્યું હતું. સોનલ અબસાણીયા નામની યુવતીનું મોત થયું છે. પોલીસે આ મામલે વધુ તપાસ હાથ ધરી છે.
પ્રેમી સાથે વીડિયો કોલમાં વાત કરતા અગ્નિસ્નાન કર્યું હતું
શહેરના વિજય પ્લોટમાં રહેતી યુવતીએ બુધવારે સવારે તેના પ્રેમી સાથે વીડિયો કોલમાં વાત કરતા કરતા અગ્નિસ્નાન કરી લેતા તેને હોસ્પિટલમાં ખસેડવામાં આવી હતી. યુવતીની હાલત ગંભીર હોવાનું કહેવામાં આવી રહ્યું હતું.
સોશિયલ મીડિયાના માધ્યમથી યુવકના સંપર્કમાં આવી હતી
સૂત્રોના જણાવ્યા અનુસાર, યુવતી સોશિયલ મીડિયાના માધ્યમથી યુવકના સંપર્કમાં આવી હતી અને બંન્ને એકબીજાને ખૂબ પ્રેમ કરવા લાગ્યા હતા અને બંન્ને લગ્ન કરવા ઇચ્છતા હતા પરંતુ યુવકના પિતાએ યુવકને યુવતી સાથે પ્રેમ સંબંધ ન રાખવા માટે દબાણ કરતા યુવતીએ અગ્નિસ્નાન કર્યું હતું. યુવકના પિતા પ્રેમ સબંધ ન રાખવા દબાણ કરતા બંને વચ્ચે ઝઘડો થયો હતો. જેના કારણે 22 વર્ષની યુવતીએ પ્રેમી યુવક સાથે વીડિયો કોલ પર વાત કરતા કરતા ઘરે કેરોસિન છાંટી અગ્નિ સ્નાન કર્યું હતું. ગંભીર હાલતમાં દાઝેલી યુવતીને સારવાર માટે ખસેડવામાં હોસ્પિટલમાં ખસેડવામાં આવી હતી. આ યુવતીએ દમ તોડ્યો હતો. સમગ્ર મામલે પોલીસે વધુ તપાસ હાથ ધરી છે.
પોલીસ સૂત્રોએ જણાવ્યું હતું કે, યુવતી વિજય પ્લોટમાં તેના કાકાના ઘરે રહેતી હતી. યુવતીના પિતા મોરબી રોડ પરના વેલનાથપરામાં રહે છે અને તેમણે બીજા લગ્ન કર્યા હતા. યુવતીએ તાજેતરમાં જ કોલેજનો અભ્યાસ પૂરો કર્યો હતો. છ મહિના અગાઉ યુવતી એક યુવકના સંપર્કમાં આવી હતી. યુવતીના કાકા અને પિતા લગ્ન માટે રાજી હતા પરંતુ યુવકના પિતાને આ સંબંધ મંજૂર નહોતો. યુવકના પિતા લગ્ન માટે તૈયાર નહીં હોવાથી યુવતીએ પગલું ભર્યાની શંકા સેવાઇ રહી છે. પોલીસે આ મામલે વધુ તપાસ હાથ ધરી હતી.
કેરોસીન છાંટી અગ્નિસ્નાન કરી લીધું હતું
વધુ તપાસમાં સોનલનો આઠેક મહિના પૂર્વે શેરચેટમાં સોમનાથના યુવક સાથે સંપર્ક થતાં બન્ને વચ્ચે પ્રેમ થયો હતો. સોનલના પરિવારના લોકો લગ્ન કરી દેવા માટે તૈયાર હતાં. પરંતુ યુવકના પિતાએ લગ્ન કરવાની ના પાડતાં યુવતી હતાશ થઈ ગઈ હતી. જેથી તેણે બુધવારે પ્રેમીને વીડિયો કોલ કર્યો હતો અને ચાલું વીડિયો કોલમાં પ્રેમીની નજર સામે જ કેરોસીન છાંટી અગ્નિસ્નાન કરી લીધું હતું. આ અંગે એ ડીવીઝન પોલીસે મૃતકના કાકાનું નિવેદન લઈ યુવક સામે ફરિયાદ નોંધવા તજવીજ આદરી છે.