Rajkot News: રાજકોટમાં વધુ એક ઢોંગી ભુવાનો પર્દાફાશ થયો છે. 75 વર્ષીય ભુવાએ નડતર દૂર કરવા વિધિ કરવી પડશે તેમ કહી 21 હજાર રૂપિયા માંગ્યા હતા. ઉપરાંત માતા અને પુત્રીએ શરીર સંબંઘ બાંધવા દેવો પડશે તેમ પણ જણાવ્યું હતું. ભક્તિનગર પોલીસ દ્વારા પરણિતાની ફરીયાદના આધારે ગોંડલના રત્ના ભૂવાને સકંજામાં લીધો હતો. સામાજીક અને વૈવાહિક જીવનમાં ચાલતી તકલીફો દૂર કરવા પરણીતાએ ભુવાનો સંપર્ક કર્યો હતો.
શું છે મામલો
પરિણીતા છેલ્લા કેટલાય સમયથી સામાજિક તેમજ લગ્ન જીવનમાં કેટલીક તકલીફો સહન કરી રહી છે. જેના કારણે થોડા સમય રત્ના ડાભી નામના ભુવાના સંપર્કમાં આવી હતી. પોતાની જાતને ભુવા તરીકે ઓળખાવનારા ડાભીએ પરિણીતાને કહ્યું હતું કે, તમારી ઉપર કોઈ વશીકરણ કરી નાખ્યું છે. જો તેમાંથી મુક્તિ મેળવવી હોય તો તમારે એક વિધિ કરાવવી પડશે. જે માટે તમારે રૂપિયા 15000 અને તમારી પુત્રીના રૂપિયા 6,000 આપવા પડશે. એટલું જ નહીં, તમારે અને તમારી પુત્રી સાથે શરીર સુખ બાંધવાથી તમામ તકલીફો પણ દૂર થઈ જશે. ત્યારે સમગ્ર મામલે પરિણીતાએ પોલીસનો સંપર્ક સાધી પોતાની આપવીતી જણાવતા હાલ ભુવાને પોલીસ દ્વારા સકંજામાં લીધો હતો અને પૂછપરછ શરૂ કરી છે.
ભુવા રત્ના ડાભી ગોંડલથી રાજકોટ મહિલાના ઘરે આવ્યો હતો. ભુવાના આગમનથી તમામ કષ્ટ દૂર થઈ જશે તેવું પરિણીતાને લાગી રહ્યું હતું. પરંતુ ભુવા દ્વારા અભદ્ર માગણી કરવામાં આવતા મહિલા ચોંકી ઉઠી હતી. ભક્તિનગર પોલીસની તપાસમાં આરોપી અન્ય કોઈ મહિલા પાસે આવી માંગણી કરી છે કે કેમ અને કેટલા રૂપિયા લીધા તેની વિગતો બહાર આવી શકે છે.
રાજકોટમાં લગ્નની સીડી બતાવવા બહાને યુવતિ ઉપર હોટેલમાં દુષ્કર્મ ગુજાર્યાની ફરિયાદ નોંધાઈ છે. નર્સિંગ કોર્સ દરમિયાન જૂનાગઢના યુવક સાથે યુવતીને પરિચય થયો હતો. યુવતીના સમૂહમાં લગ્ન થયા હતા, જેનું વિડિયો શૂટિંગ પરિચિત આરોપી ગિરીશ દ્વારા કરવામાં આવ્યું હતું. યુવતીની ફરિયાદના આધારે પોલીસે દુષ્કર્મનો ગુનો નોંધી તપાસ હાથ ધરી છે.
આ પણ વાંચોઃ
ડમ્પર નીચે આવી જતાં બાઇક ચાલકનું કરૂણ મોત, દેત્રોજ ગામ પાસે બની ઘટના
સુરતમાં કિશોરીને યુવક લઈ ગયો હોટલમાં, મધરાતે રડતી રડતી ઘરે પહોંચી ને પછી.....