Ratan Tata: જાણીતા ઉદ્યોગપતિ રતન ટાટાએ પોતાની ખરાબ તબિયતના સમાચારને અફવા ગણાવ્યા છે અને સોશિયલ મીડિયા હેન્ડલ X પર તેમના સ્વાસ્થ્ય અંગે અપડેટ આપી છે. ટાટા સન્સના ચેરમેન એમેરિટસ રતન ટાટા 86 વર્ષના છે અને તેમણે કહ્યું છે કે તેઓ તેમની વય-સંબંધિત સ્વાસ્થ્ય સમસ્યાઓના કારણે માત્ર નિયમિત ચેકઅપ માટે ગયા હતા.
એવા અહેવાલો હતા કે રતન ટાટાને ICUમાં દાખલ કરવામાં આવ્યા છે અને તેમને બ્લડ પ્રેશરને લગતી સમસ્યા છે. જોકે, રતન ટાટાએ પોતે પોતાના એક્સ હેન્ડલ પર પોસ્ટ કરીને આ સમાચારને અફવા ગણાવ્યા છે.
રતન ટાટા- સ્વાસ્થ્યને લઈ ખોટા સમાચારો અંગે જાણે છે
તેમણે લખ્યું કે તેમના સ્વાસ્થ્ય વિશે ફેલાતા સમાચારોથી અજાણ નથી અને તે બધાને ખાતરી આપવા માંગે છે કે આ સમાચાર ખોટા છે. હાલમાં તબીબી તપાસ માટે હોસ્પિટલમાં દાખલ છે અને માત્ર સામાન્ય વય-સંબંધિત સમસ્યાઓ અને પરિસ્થિતિઓ માટે હોસ્પિટલમાં ગયા હતા.
રતન ટાટાએ એમ પણ લખ્યું છે કે ચિંતા કરવાની કોઈ વાત નથી અને તેઓ મીડિયાને ખોટી માહિતી આપવાથી બચવા વિનંતી કરે છે. તમને જણાવી દઈએ કે, રતન ટાટા તેમના સ્વાસ્થ્યને કારણે હવે જાહેર સ્થળો પર ભાગ્યે જ જોવા મળે છે.