Shloka Mehta Wedding Lehnga: મુકેશ અંબાણીની પુત્રવધૂ અને આકાશ અંબાણીની પત્ની શ્લોકા મહેતા પોતાની અનોખી સ્ટાઈલથી ફેશન આઈકોન બની ગઈ છે. તે ભારતીય પરંપરાગત કપડાંની સાથે સાથે આધુનિક ડિઝાઇનમાં પણ સુંદર લાગે છે. શ્લોકાએ તેના બાળપણના મિત્ર આકાશ અંબાણી સાથે 9 માર્ચ, 2019ના રોજ મુંબઈમાં એક શાહી સમારોહમાં લગ્ન કર્યા હતા. શ્લોકા અને આકાશના લગ્ન જેટલા રોયલ હતા તેટલા જ રોયલ શ્લોકાનો લહેંગા પણ હતો.
કેવું હતું લગ્નનું પાનેતર?
શ્લોકાના વેડિંગ લહેંગાને ફેમસ ફેશન ડિઝાઈનર અબુ જાની અને સંદીપ ખોસલાએ ડિઝાઈન કર્યો હતો. આ લાલ અને સોનેરી રંગના લહેંગાને જરી-ઝરદોઝીથી હાથથી એમ્બ્રોઇડરી કરવામાં આવી હતી, જેને ભારે વર્કથી શણગારવામાં આવી હતી. શ્લોકાએ આ લહેંગા સાથે બે દુપટ્ટા કેરી કર્યા હતા. તેની ચોલીમાં પણ સ્કર્ટના ભાગ જેવું ભરતકામ હતું.
સંગીતનો લહેંગો ખૂબ જ ખાસ હતો
NBT રિપોર્ટ અનુસાર શ્લોકાના લગ્નના લહેંગાની સાથે તેનો સંગીત લહેંગા પણ ખૂબ જ ખાસ હતો. આ લહેંગા પર આકાશ અંબાણી અને શ્લોકા મહેતાની લવ સ્ટોરી લખવામાં આવી હતી. આ લહેંગા પર આકાશે જ્યાં તેને પ્રપોઝ કર્યું હતું તે જગ્યાનું નામ લખેલું હતું. સાથે જ તેમાં લગ્નની તારીખ અને નીતા અંબાણી અને મુકેશ અંબાણીના નામ લખવામાં આવ્યા હતા. લહેંગાને 50,000 ક્રિસ્ટલ-સિક્વિન્સ અને ગ્લાસ બિડ્સથી શણગારવામાં આવ્યો હતો.
લહેંગા અને દાગીનાની કિંમત
શ્લોકાના લહેંગાની સાથે તેની જ્વેલરી વિશે પણ ઘણી ચર્ચા થઈ હતી. લગ્નના દિવસે તેણે રાણીહારની સાથે સોના અને હીરાનો સેટ પણ પહેર્યો હતો. તેમના આ રાણીહારમાં હીરા જડેલા હતા. ડીએનએ રિપોર્ટ અનુસાર તેની કિંમત 3 કરોડ રૂપિયા હતી.
પોર્ટલ અનુસાર શ્લોકાએ તેના લગ્નમાં લગભગ 10 કરોડની જ્વેલરી પહેરી હતી. તેમજ તેના લહેંગાની કિંમત 5 કરોડ રૂપિયા હતી.