હવે સુરત શહેરમાં 2 શિક્ષકો અને 3 વિદ્યાર્થી કોરોના સંક્રમિત હોવાના સમાચાર સામે આવતાં વાલીઓમાં ફફડાટ ફેલાયો છે.
સુરતમાં 2 શિક્ષકો અને 3 વિદ્યાર્થીઓ કોરોના પોઝિટિવ આવ્યા છે. કુલ 97 શાળા કૉલેજમાં કોરોના ટેસ્ટિંગ કરવામાં આવ્યું હતું. 2320 વિદ્યાર્થીઓના કોરોના ટેસ્ટ કરવામાં આવ્યા હતા. તમામ શાળા-કૉલેજને કોરોના ગાઈડલાઈન પાલન કરવા સૂચના અપાઈ છે. સુરત શહેરના રાંદેર, કતારગામ અને વરાછા A ઝોનમાં પોઝિટિવ આવ્યા છે.
રાજ્યમાં કોરોના સંક્રમણમાં સતત ઘટાડો જોવા મળી રહ્યો છે. છેલ્લા 24 કલાકમાં કોરોના વાયરસના 471 નવા કેસ સામે આવ્યા હતા. જ્યારે કોરોના સંક્રમણના કારણે 1 દર્દીના મૃત્યુ સાથે કુલ મૃત્યુઆંક 4372 પર પહોંચ્યો છે.