શનિવારે સુરત જિલ્લાના ઉમરપાડામાં ધોધમાર વરસાદ ખાબક્યો હતો. જેના કારણે જ્યાં જુઓ ત્યાં પાણી જ પાણી જોવા મળ્યું હતું.જ્યારે ઉપરવારસમાં અને ઉમરપાડામાં ધોધમાર વરસાદ ખાબકતાં આસપાસની નદી અને નાળાઓ છલકાતાં લોકો જોવા ઉમટી પડ્યાં હતાં. ભારે વરસાદને કારણે ખેડૂતોમાં ખુશાલી જોવા મળી હતી અને બજારમાં પાણી ભરાઈ ગયા હતા જેના કારણે ખરીદી કરવા ગયેલા લોકો લોકો ફસાઈ ગયા હતાં.
ઉમરપાડા તાલુકામાં વરસાદની ધમાકેદાર એન્ટ્રી થઈ હતી. 2 વાગ્યાથી 5 વાગ્યા સુધીમાં 230 મીમી વરસાદ નોંધાયો હતો. માત્ર 3 કલાકમાં અધધ 9 ઈંચ વરસાદ ખાબક્યો હતો. ભારે વરસાદના કારણે નદી-નાળામાં નવા નીર આવ્યા હતાં. માત્ર 10 કિલોમીટરની ત્રીજ્યામાં જ વરસાદ વરસ્યો હતો.