સુરત મહાનગરપાલિકા વિસ્તારમાં આવેલ તમામ દુકાનધારકોને ચુસ્તપણે માસ્ક પહેરવા સૂચન આપવામાં આવ્યું છે. દુકાનમાં માસ્ક વગર કોઈપણ વ્યક્તિને પ્રવેશ ન આપવા કે માલનું વેચાણ ન કરવા સૂચના આપવામાં આવી છે.
જો આ સૂચનાનું પાલન કરવામાં બેદરકારી જણાશે તો સુરત મનપા દ્વારા 5 હજાર રૂપિયાનો દંડ કરવામાં આવશે.
ઉલ્લેખનીય છે કે સુરતમાં કોરોનાના કેસ સતત વધી રહ્યા છે. મુખ્યમંત્રી વિજય રૂપાણીએ પણ સુરતમાં વધી રહેલા કોરોનાના કહેરને લઈ અધિકારીઓ સાથે બેઠક યોજી હતી.