સુરતમાં આગની ઘટના બાદ અમદાવાદના તમામ ટ્યુશન ક્લાસિસ બંધ કરવાનો આદેશ

સુરતમાં આગની ઘટના બાદ અમદાવાદમાં જ્યાં સુધી અન્ય કોઈ આદેશ ન મળે ત્યાં સુધી અમદાવાદના તમામ શૈક્ષણિક ક્લાસિસ બંધ કરવાનો આદેશ કરવામાં આવ્યો છે.

અમદાવાદ: સુરતના સરથાણા જકાતનાકા પાસે આવેલા તક્ષશિલા એપાર્ટમેન્ટના બીજા માળે ચાલતા ટ્યુશન ક્લાસિસમાં ભીષણ આગ લાગતા અફરાતફરી મચી ગઇ હતી. પ્રચંડ આગને કારણે 17 વિદ્યાર્થીઓના મોત થયા છે. સુરતમાં આગની ઘટના બાદ અમદાવાદમાં જ્યાં સુધી અન્ય કોઈ આદેશ ન મળે ત્યાં સુધી અમદાવાદના તમામ શૈક્ષણિક ક્લાસિસ બંધ કરવાનો આદેશ કરવામાં આવ્યો છે. અમદાવાદ મનપા કમિશનર વિજય નેહરાએ આ આદેશ કર્યો છે. વિજય નેહરાએ કહ્યું, ગેરકાયદેસર ચાલતા ક્લાસીસ બંધ કરવામાં આવશે.

અમદાવાદના મ્યુનિસિપલ કમિશનર વિજય નહેરાએ આ આદેશ જાહેર કર્યો છે. અમદાવાદમાં પણ પહેલા આ પ્રકારની ઘટના બની હતી. જેને લઈને એએમસી કમિશનરે તમામ શૈક્ષણિક ટ્યુશન ક્લાસિસ બંધ કરવાનો આદેશ આપ્યો છે.