Surat: સુરતમાં રોગચાળાએ ભરડો લીધો છે. શહેરમાં છેલ્લા 24 કલાકમાં ત્રણ બાળકો સહિત પાંચ જણાના મોત થયા હતા. આ સાથે શહેરમાં અત્યાર સુધીમાં 24 લોકોએ રોગચાળાના કારણે જીવ ગુમાવ્યો છે.
શહેરમાં ચોમાસાના કારણે રોગચાળામાં વધારો થયો છે. છેલ્લા 12 દિવસમાં 38 ડાયરિયાના,મલેરીયાના સાત જયારે તાવના 76 કેસ નોંધાયા હતા. તે સિવાય ડેન્ગ્યુના 24, ગેસ્ટ્રોના 38 કેસ નોંધાયા હતા. પાંડેસરા વિસ્તારમાં પણ મોતમાં વધારો થયો છે. સુરતમાં રોગચાળાના કારણે બાળકોનો મોતમાં વધારો થયો છે. તાવમાં સપડાયેલા પાંડેસરાના યુવાનનું મોત થયું હતું. તે સિવાય શહેરમાં દિવસે ને દિવસે ડેન્ગ્યુ, ટાઈફોઈડ, તાવ, ગેસ્ટ્રો, મેલેરિયા, કોલેરા અને કમળાના કેસ નોંધાઈ રહ્યો છે. સિવિલ-સ્મિમેર હોસ્પિટલના OPD ના કેસમાં પણ વધારો નોંધાયો છે.
તે સિવાય રાજ્યમાં પ્રધાનમંત્રી જન આરોગ્ય યોજના હેઠળ ડાયાલિસિસના ભાવમાં ઘટાડાને લઈ સરકાર અને ગુજરાત નેફ્રોલોજિસ્ટ એસોસિએશનનો વિવાદ વધુ વર્ક્યો હતો. જેની અસર સુરત શહેર પર પણ થઇ છે. નેફ્રોલોજીસ્ટ એસોસિએશને આજથી 16 ઓગસ્ટ સુધી હડતાળ યથાવત પર રાખવાનો નિર્ણય લીધો છે. અમદાવાદ, વડોદરા, રાજકોટ, સુરત ખાનગી ડાયાલિસિસ સેન્ટર બંધ છે અને ઈન્ડિયન મેડિકલ એસો.એ પણ નેફ્રોલોજીસ્ટને જાહેર સમર્થન કર્યુ હતું. તો હોસ્પિટલ એન્ડ નર્સિંગ એસોસિએશને પણ નેફ્રોલોજીસ્ટને સમર્થન જાહેર કર્યુ હતું.
સુરતમાં સિવિલમાં 24 કલાક ડાયાલિસિસ ચાલુ રાખવાની તૈયારી ચાલી રહી છે. સુરત બહારથી પણ બે ટેકનિશિયન બોલાવાયા હતા. કોઈ રોગીને તકલીફ ના પડે એ માટે સુરત સિવિલનું પ્રશાસન પ્રયાસ કરી રહ્યું છે. સુરત સિવિલ હોસ્પિટલમાં ટોટલ 10 બેડ છે જેમાંથી એક બેડ એચઆઇની દર્દીઓ માટે છે. તબીબોની ત્રણ શિફ્ટ કરવામાં આવશે. 24 કલાક સતત સિવિલમાં ડાયાલિસસ કરવામાં આવશે.
અમદાવાદ શહેરમાં પણ ચોમાસામાં પાણીજન્ય અને મચ્છરજન્ય રોગચાળામાં વધારો થયો છે. જૂલાઈ મહિનામાં જ ટાઈફોઈડના 415 કેસ, કમળાના166 કેસ, કોલેરા 6 કેસ નોંધાયા હતા. જ્યારે 174 ડેંગ્યુ સાદા, મલેરિયાના 81 , ચિકનગુનિયા 9 કેસ નોંધાયા હતા. જ્યારે ઝાડા-ઉલ્ટીના જુલાઈ મહિનામાં 1139 કેસ નોંધાયા હતા. મચ્છરનું બ્રિડિંગ મળેલા એકમો પાસેથી 75 લાખનો દંડ વસૂલવામાં આવ્યો છે.
પ્રધાનમંત્રી જન આરોગ્ય યોજના હેઠળ ડાયાલિસિસના ભાવમાં ઘટાડાને લઈ સરકાર અને ગુજરાત નેફ્રોલોજિસ્ટ એસોસિએશનનો વિવાદ વધુ વકર્યો છે. નેફ્રોલોજીસ્ટ એસોસિએશને આજથી 16 ઓગસ્ટ સુધી હડતાળ યથાવત રાખવાનો નિર્ણય લીધો છે.