Surat News: સુરતમાં વાલીઓ માટે ચેતવણીરૂપ કિસ્સો સામે આવ્યો છે. 11 વર્ષીય વિદ્યાર્થીનીને સ્કૂલે મુકવા જતા રિક્ષાચાલકે વિદ્યાર્થીની સાથે દુષ્કર્મ આચર્યાની ઘટના બની છે. અઠવા પોલીસે 42 વર્ષીય આરોપી રીક્ષા ચાલકની ધરપકડ કરી છે. એક જાગૃત મહિલાએ વીડિયો ઉતારતાં રિક્ષા ચાલકની હેવાનિયત સામે આવી હતી. બાળકીની માતાએ ફરિયાદ કરતા આખરે આરોપીની ધરપકડ કરવામાં આવી છે. સમગ્ર ઘટના વિશે વાત કરીએ તો રીક્ષાચાલક બાળકીને સ્કૂલ મોકવા જતો હતો આ દરમિયાન તે બાળકી સાથે અડપલા પણ કરતા હતો અને ગંદી હરકતો બાદ તેમણે એક દિવસ બાળકી પર દુષ્કર્મ ગુજાર્યું. પીડિતાના કહેવા મુજબ દુષ્કર્મની ફરિયાદ કરવા બદલ સળગાવી નાખવાની પણ રિક્ષાચાલકે ધમકી આપી હતી. સુરતના આ કિસ્સાએ વાલીઓની ચિંતા વધારી છે. સમગ્ર મામલે પોલીસે આરોપી રીક્ષા ચાલવકની ધરપકડ કરીને તપાસ હાથ ધરી છે.
સુરતના અમરોલી-કોસાડમાં મામાએ કર્યું દુષ્કૃત્ય
સુરતના અમરોલી-કોસાડ આવાસમાં તરૂણી સાથે મામાએ દુષ્કર્મ ગુજારતા ચકચાર મચી ગઇ હતી. કૌટુંબિક મામાએ સંબંધીને ત્યાં જવાનું કહીને નીકળેલી તરૂણીને હવસખોર મામા જબરદસ્તી હાથ પકડીને ઘરમાં લઇ ગયો હતો. દુષ્કર્મ કર્યા બાદ કાકીનો ભાઇ ભાગી ગયો હતો, ફરિયાદ બાદ પોલીસે આરોપીની ધરપકડ કરીને વધુ તપાસ હાથ ઘરી છે.
વિસનગરમાં 17 વર્ષ કિશોરી પર ગુજાર્યું દુષ્કર્મ
મહેસામાના વિસનગર તાલુકાના એક ગામની 17 વર્ષ કિશોરી પણ દુષ્ક્રમની ભોગ બની. ખેતર જઇ રહેલ કિશોરી પર ગામના જ એક યુવકે દુષ્કર્મ કર્યું હોવાનો આરોપ લગાવ્યો છે. વિસનગર પોલીસે ગુનો નોંધીને વધુ તપાસ હાથ ધરી છે.
સાવરકુંડલા મહિલા સાથે દુષ્કર્મની ઘટના
અમરેલી-સાવરકુંડલા ટાઉનમાં એક મહિલા સાથે રાત્રીના સમયે દુષ્કર્મનો મામલો સામે આપ્યો છે.બુકાનીધારી અજાણીયો શખ્સ મોઢે બાંધી છરી બતાવી અડપલા કરી દુષ્કર્મ આચરી ફરાર થયાની ફરિયાદ નોંધાઇ છે. કેટલાક મહત્વના સીસીટીવી ફૂટેજના આધારે એક શંકમંદ આરોપીની ધરપકડ કરીને પોલીસે તપાસ હાથ ધરી હતી.અમરેલી એલસીબી સાવરકુંડલા પોલીસ દ્વારા ભેદ ઉકેલીને દોષિત સામે આગળની કાર્યવાહી હાથ ધરી છે.