ક્લસ્ટર વિસ્તાર જાહેર કરાતા કતારગામ ઝોન અને મિનિબજાર વિસ્તારમાં આવતા ડાયમંડ યુનિટો પણ 7 દિવસ માટે બંધ રહેશે. આ વિસ્તારમાં કોરોનાના સતત દર્દીઓ વધી રહ્યા છે. કોરોનાનો વ્યાપ ન વધે તે માટે નિર્ણય લેવાયો છે. મહિધરપુરા હીરા બજાર ક્લસ્ટર જાહેર કરાયું છે. સુરતના મહિધરપુરા હીરા બજાર આસપાસ મોટી સંખ્યામાં પોઝિટિવ કેસો નોંધાયા છે.
મહિધરપુરાના પાટીદાર ભવનથી લિંબુશેરી, પીપળા શેરી, નાગરદાસની શેરી, હવાડા શેરી, થોભા શેરી , જદાખાડી રોડ, હાટ ફળિયું, ભોજાભાઈની શેરી અને પાટીદાર ભવન રોડ સુધીના ૧૨૬૨ મકાનોને ક્લસ્ટર તરીકે જાહેર કરવામાં આવ્યા છે. મિનિ બજાર વિસ્તારમાં પણ માઈક્રો ક્લસ્ટર જાહેર કરવામાં આવ્યો છે.