સુરતઃ શહેરના વેડ રોડ પર રહેતી 17 વર્ષીય સગીરા પર બિઝનેસમેન ફેક્ટરીમાં બળાત્કાર ગુજાર્યો હોવાની ઘટના સામે આવતાં ખળભળાટ મચી ગયો છે. સગીરાને જોબવર્ક-હેન્ડવર્કનું કામ આપવાની લાલચ આપી વેપારીએ સગીરા સાથે પરાણે શારીરિક સંબંધ બાંધ્યા હતા. આ અંગે પોલીસ ફરિયાદ થતાં ચોકબજાર પોલીસે આરોપી બિઝનેસમેનની ધરપકડ કરી લીધી છે.
આ અંગે મળતી વિગતો પ્રમાણે, વેડરોડ ખાતે રહેતો બિઝનેસમેન કાપડ પર સ્ટોન ચોંટાડવાનું હેન્ડવર્ક-જોબવર્કનું કારખાનું ધરાવે છે. તેને ત્યાંથી આસપાસ રહેતી મહિલાઓ જોબવર્કનું કામ લઈ જાય છે. દરમિયાન તેની સોસાયટીમાં જ રહેતી મહિલાને તેણે જોબવર્કનું કામ આપવાની લાલચ આપી હતી. એટલું જ નહીં, આ કામ લેવા માટે તેની દીકરીને મોકલવા માટે કહ્યું હતું.
આથી મહિલા પોતાની 17 વર્ષીય દીકરીને જોબવર્કના કામ માટે તેની ફેક્ટરીમાં મોકલતી હતી. જોબવર્કના કામ માટે આવતી સગીરા પર બિઝનેસમેને નજર બગાડી હતી અને તેણે સગીરાને લાલચ અને ધાક-ધમકી આપીને તેની સાથે પરાણે શારીરિક સંબંધ બાંધવા માંડ્યા હતા.
બિઝનેસમેન તેના ભાઈ અને પિતાને મારી નાંખવાની ધમકી આપી વારંવાર તેનું શોષણ કરવા લાગ્યો હતો. આ બધાથી કંટાળી અંતે સગીરાએ પરિવારને જાણ કરી હતી તેમજ ચોકબજાર પોલીસ સ્ટેશનમાં ફરિયાદ નોંધાવી હતી. પોલીસે બળાત્કાર અને પોક્સો એક્ટ હેઠળ ગુનો નોંધી આરોપીની ધરપકડ કરી હતી.
Valsad : અડધી રાતે યુવક પ્રેમિકાને મળવા પહોંચ્યો ને યુવતીના પરિવારને પડી ગઈ ખબર, પછી તો....
વલસાડઃ જિલ્લાના ડુંગરી પોલીસ સ્ટેશન વિસ્તારમાં રહેતી યુવતીને આ જ વિસ્તારના એક યુવક સાથે પ્રેમસંબંધ હતા. તેમજ તેઓ ફોન પર વાતચીત પણ કરતા હતા. દરમિયાન રાતે યુવતીના ફોનની બેટરી લો થઈ ગઈ હતી. જોકે, યુવતી પાસે ચાર્જર ન હોવાથી તેણે પ્રેમી પાસે મંગાવ્યું હતું.
પ્રેમિકાએ ચાર્જર મંગાવતા પ્રેમી અડધી રાતે તેને ચાર્જર આપવા માટે તેના ઘરે પહોંચી ગયો હતો. જોકે, આ અંગે યુવતીના પરિવારના સભ્યોને જાણ થઈ જતા હજું પ્રેમિકાને મળે તે પહેલા જ પરિવારના સભ્યોએ યુવકને ઝડપી પાડ્યો હતો અને પકડીને ઢોર માર માર્યો હતો. જેને કારણે યુવકને સારવાર માટે હોસ્પિટલમાં ખસેડવામાં આવ્યો છે.
યુવકને ઢોર માર મારતાં તેણે ડુંગરી પોલીસ સ્ટેશનમાં પ્રેમિકાના પરિવારના સભ્યો સામે પોલીસ ફરિયાદ નોંધાવી છે. આ અંગે ડુંગરી પોલીસે ગુનો નોંધીને વધુ તપાસ હાથ ધરી છે. પોલીસે મારામારી અને જાનથી મારી નાંખવાની ધમકીની ફરિયાદ મુદ્દે તપાસ હાથ ધરી છે.
Surat : લગ્ન પ્રસંગે આવેલી સગીરા પર યુવકે વારંવાર ગુજાર્યો બળાત્કાર, બે દિવસ સુધી સગીરા રહી બેભાન ને.......
સુરત : શહેરના અમરોલી વિસ્તારમાં કાકાને ત્યાં લગ્ન પ્રસંગે આવેલી સગીરાને અવાવરું જગ્યાએ લઈ જઈ વારંવાર બળાત્કાર ગુજારવાના ગુનામાં કોર્ટે આરોપીને 10 વર્ષની કેદ ફટકારી છે. કેફી પીણું પીવડાવી સગીરા સાથે દુષ્કર્મ આચરનાર આરોપીને 10 વર્ષની સખત કેદની સજા કોર્ટે ફટકારી છે.
આરોપી રણજીત સિકંદર સિંહને 10 વર્ષની કેદની સજા ફટકારી છે. અમરોલી સાયણ રોડ પર અવાવરું જગ્યા પર દુષ્કર્મ આચર્યું હતું. વારંવાર દુષ્કર્મ આચરતા સગીરા 2 દિવસ બેભાન રહી હતી. ગત 25 મે 2019 ના રોજ લગ્ન પ્રસંગે કાકાને ત્યાં સગીરા આવી હતી.
Surat : યુવતીએ PSI સાથે વીડિયો કોલ પર કરી અશ્લીલ હરકતો, વીડિયો થયો વાયરલ
સુરતઃ જિલ્લામાં વધુ એક હનીટ્રેપની ઘટના સામે આવતાં ખળભળાટ મચી ગયો છે. ગઈ કાલે ભાજપના નેતા પછી હવે સુરતના એક પોલીસ સબ ઇન્સ્પેક્ટર(પીએસઆઇ) હનીટ્રેપનો શિકાર બન્યા છે. તેમનો યુવતી સાથેનો અશ્લીલ વીડિયો વાયરલ થતાં સમગ્ર પોલીસબેડામાં ભારે ચકચાર મચી ગઈ છે.
બારડોલીના વેપારી ઓનલાઈન હનીટ્રેપનો શિકાર બન્યા બાદ બુધવારે પાલિકાનો સભ્ય અને ગુરુવારે પલસાણા તાલુકાના એક પીએસઆઈ સહિત બારડોલીના 2 યુવકનો પણ બીભત્સ વીડિયો વાઇરલ થતાં ઓનલાઈન હનીટ્રેપનો મુદ્દો ટોક ઓફ ધ ટાઉન બન્યો છે.
સુરત ગ્રામ્યના કડોદરા પોલીસ મથકના પીએસઆઈનો વીડિયો વાયરલ થયો છે. પીએસઆઈ નવસારી જિલ્લામાં ફરજ પર હતા દરમ્યાન ઘટના બની હતી. જોકે હજુ સુધી પોલીસ અધિકારી દ્વારા કોઈ ફરિયાદ નથી કરાઈ. નોંધનીય છે કે, ગઈ કાલે બારડોલીના ભાજપના નેતા અને કાઉન્સિલરનો યુવતી સાથેનો અશ્લીલ વીડિયો વાયરલ થતા ખળભળાટ મચી ગયો હતો. વીડિયો વાયરલ થતાં પાર્ટીએ તેમને તાત્કાલિક અસરથી સસ્પેન્ડ કરી દીધા હતા.
બારડોલીના ભાજપના નેતા અને નગરપાલિકાના કાઉન્સિલરનો અશ્લીલ વીડિયો વાયરલ થતા ખળભળાટ મચી ગયો હતો. વીડિયો કોલમાં ભાજપના નેતા નિર્વસ્ત્ર થઈને લલના સામે અશ્લીલ હરકતો કરતા હોવાનો વીડિયો વાયરલ થયો છે. વીડિયો વાયરલ થતાં તેમને તાત્કાલિક અસરથી સસ્પેન્ડ કરી દેવામાં આવ્યા છે.
બુધવારે સાંજે ભાજપના નેતા અને બારડોલી નગરપાલિકાના કાઉન્સિલર દક્ષેશ શેઠનો યુવતી સાથેનો અશ્લીલ વીડિયો વાયરલ થતાં સમગ્ર બારડોલી પંથકમાં ચર્ચાએ ભારે જોર પકડ્યું છે. દક્ષેશ શેઠ વોર્ડ નંબર -1ના કાઉન્સિલર છે. 1.50 મિનિટમાં વીડિયોમાં કાઉન્સિલર સામે યુવતી પહેલા પોતે નિર્વસ્ત્ર થઈ જાય છે. આ પછી કાઉન્સિલર પણ નિર્વસ્ત્ર થઈ અશ્લીલ ચેષ્ટા કરી રહ્યા છે.
આ હરકતોનો વીડિયો રેકોર્ડ કર્યા પછી વાયરલ કરી દેવામાં આવ્યો છે. સમગ્ર વીડિયોમાં યુવતી પોતાની ઓળખ છૂપાવવા મોઢું છુપાવી રહી છે. આ વીડિયો વાયરલ થયા પછી ભાજપે તેમને તાત્કાલિક સસ્પેન્ડ કરી દીધા છે.