Surat Crime News: સુરતમાં વધુ એક ચોંકાવનારી દુષ્કર્મ ઘટના સામે આવી છે. શહેરના અમરોલી વિસ્તારમાં રહેતી 25 વર્ષીય પરિણીતાને એક યુવાને હવસનો શિકાર બનાવી છે. યુવક દ્વારા પરિણીતાને બ્લેકમેઇલ કરીને વારંવાર હવસનો શિકાર બનાવવામાં આવતી હતી, જેથી કંટાળેલી મહિલાએ બાદમાં રાજસ્થાનમાંથી ઝીરો એફઆઇઆર નોંધાવી છે, હાલમાં પોલીસ આ મામલે તપાસ શરૂ કરીને આરોપીની શોધખોળ કરી રહી છે.
સુરતમાં એક યુવકે પરિણીતાને હવસનો શિકાર બનાવી હોવાની ઘટના સામે આવી છે, શહેરના અમરોલી વિસ્તારમાં રહેતી 25 વર્ષીય પરિણીતાને એક મુસ્લિમ યુવક દ્વારા વારંવાર હવસનો શિકાર બનાવવામાં આવી હોવાની પોલીસ ફરિયાદ નોંધાઇ છે.
ઘટનાની વિગતો એવી છે કે, પોલીસ ફરિયાદ અનુસાર, શહેરના અમરોલીમાં 25 વર્ષીય પરિણીતા મહિલાને એક મુસ્લિમ યુવક દ્વારા ઘેનની દવા પીવડાવ્યા બાદ દુષ્કર્મ આરવામાં આવ્યુ હતુ, આ પછી મુસ્લિમ યુવકે પરિણીતાનો વીડિયો બનાવી લીધો અને વારંવાર પરિણીતાને બ્લેકમેલ કરવામાં આવતી હતી. મહિલાનો આરોપ છે કે, બ્લેકમેઇલ કરીને મુસ્લિમ યુવકે પરિણીતા પાસેથી 60 હજાર રૂપિયા પણ પડાવ્યા હતા. જોકે, આ કંટાળેલી પરિણીતા મહિલાએ આખરે રાજસ્થાનમાંથી મુસ્લિમ યુવાન વિરૂદ્ધ જીરો એફઆઇઆર નોંધાવી હતી. હાલમાં આ દુષ્કર્મ અને બ્લેકમેઇલ ઘટનામાં અમરોલી પોલીસ હવસખોર ઇરફાન વિરૂદ્ધ આઇટીએક્સ અને દુષ્કર્મની કલમો અંતર્ગત કેસ નોંધીને તપાસ કરી રહી છે. હાલમાં શોધખોળ ચાલુ છે.
ધુળેટી પહેલા પાણીના ફુગ્ગા મારવા બાબતે ઠપકો આપતા યુવક પર 3 ઈસમો ચપ્પુ લઈ તૂટી પડયા
સુરતમાં હોળી પહેલાજ માથાકુટ શરૂ થઈ ગઈ છે. શહેરના કાપોદ્રા વિસ્તારમાં ધુળેટી પહેલા પાણી ભરેલા ફુગ્ગા મારવા બાબતે ઠપકો આપતા આ વાતની અદાવત રાખી એક યુવક પર ત્રણ જેટલા ઈસમો ચપ્પુ લઈ તૂટી પડયા હતા. જેમાં યુવકને ઇજા થતાં હોસ્પિટલ ખસેડવામાં આવ્યો હતો. હાલ તો સમગ્ર મામલે પોલીસ ફરિયાદ નોંધાતા ત્રણ બાળકિશોર હુમલાખોરને ઝડપી પાડયા હતા.
ધુળેટીનો તહેવાર નજીક આવી ગયો છે. બુરા ના માનો હોલી હે કહી યુવાનો હોળીના પર્વની ઉજવણી કરતા હોય છે. પરંતુ અમુક સંજોગ એવા સર્જાય છે જેમાં લોકો વગર મતલબના અન્યને હેરાન કરી બબાલ કરતા હોય છે. સુરતના કાપોદ્રા વિસ્તારમાં ધુળેટી પહેલા પાણીના ફુગ્ગા મારવા બાબતે માથાકૂટ થઈ હતી. કાપોદ્રા વિસ્તારમાં આવેલ પૂર્વી સોસાયટીમાં વિક્રમ ગોંડલીયા નામનો યુવાન પસાર થતો હતો તે દરમિયાન બાળકોએ તેમના પર પાણી ભરેલા ફુગ્ગા ફેંક્યા હતા. જેથી વિક્રમ ગોંડલીયાના કપડા ખરાબ થતા બાળકોને ઠપકો આપવા ઉભા રહ્યા હતા તે દરમિયાન બાળકોએ તેમની પાસે રહેલું ચપ્પુ બહાર કાઢ્યું હતુ અને વિક્રમ ગોંડલીયાને હાથના ભાગે ચપ્પુ મારી દીધું હતું. અન્ય એક બાળકે ચાવી વડે મુક્કો માર્યો હતો. પાછળથી ત્રીજાએ છાતી પર વાર કર્યો હતો. યુવાન પર હુમલો કરી ત્રણેય હુમલાખોર બાળકિશોર ભાગી છૂટ્યા હતા.
બાદમાં વિક્રમ ગોંડલીયાને હોસ્પિટલમાં સારવાર માટે ખસેડાયા હતા. સમગ્ર મામલે પોલીસને જાણ કરતા પોલીસે હુમલાખોર ત્રણેય બાળકિશોરને ઝડપી પાડી કાયદેસરની કાર્યવાહી હાથ ધરી હતી. આ ઘટનામાં ઈજાગ્રસ્ત વિક્રમ ગોંડલીયાએ લોકોને અપીલ કરી હતી કે આ તહેવાર સૌ કોઈ શાંતિથી ઉજવે અને કોઈ સાથે બળજબરી કરી તેમને નુકશાન ન પહોંચાડે.