સુરત: સુરત પોલીસે નશાખોરી સામે સૌથી મોટી મેગા ડ્રાઈવ શરૂ કરી છે. સુરત પોલીસે બાતમીના આધારે ઉમરા અને અડાજણ વિસ્તારમાં દરોડા પાડ્યા હતાં. પોલીસની આ દરોડામાં 200થી પણ વધારે યુવાનોની અટકાયત કરી છે. આ તમામ યુવાનોને ઉમરા પોલીસ સ્ટેશને લઈ જવાયા હતાં.
શનિવારે રાત્રે સુરત પોલીસ દ્વારા કરાયેલી આ કાર્યવાહી નશાખોરી સામેનું મોટું ઝુંબેશ સાબિત થઈ શકે છે. જો ટેસ્ટમાં યુવાનોએ નશો કર્યો હોવાનું સાબિત થશે તો તેમની વિરુદ્ધ કાયદેસરની કાર્યવાહી કરાશે.
નોંધનીય છે કે, આગામી દિવસોમાં સુરત પોલીસ નશાખોરી સામે હજુ મોટી કડક કાર્યવાહી કરશે તેવા એંધાણ જોવા મળી રહ્યા છે. હાલમાં જ રાજ્યના ડીજીપી શિવાનંદ ઝાએ નશાખોરીને ડામવા માટે કડક આદેશ આપ્યા હતા.